|
| |
Een ander nieu gheestelijck Liedeken, oft beclaginghe, Inden persoon van iemant die door het inspreken Godts oft andere goede vermaningen een afkeer ende mishagen van die Werelt ghecregen heeft, op de wijse: Ic clage v Venus dierken, Allen mijn lijden groot.
U Wilt v met my bekeeren,
Tot Godt den Heer der Heeren,
Al ben ick ionck en groen,
Nochtans sal ick my spoen,
Met vast betrouwen schoone,
Tot Godt mijnen Vader gaen,
Door zijn groote ghenaden,
Want ick wil nu voortaen,
De werelt gans versmaden.
Ic socht des Werelts weelden,
Ick dansten en ick speelden,
Die werelt gans versmaden.
Hooueerdich ick vercierden,
| |
| |
Daermen ydelheyt hanteerden,
Daer was ick vroech en laet,
Wert ick als doen gheraden,
Nu wille ick metter daet,
De Werelt gansch versmaden.
Doen ick soo triumpheerden,
Die Werelt my laudeerden,
Door haer soete succaden,
Haer lof sal ick afsnijden,
Haer vreucht aen alle zijden,
En acht ick nu niet meer,
Want ick soeck Godt den Heer,
Die my verlost van quaden,
Die werelt heeft my bedrogen,
Door haer wellusten sacht,
Mijn hert van Godt getogen,
Een gheest wert ick gheacht,
Seer groot tot mijnder schaden,
Maer nu heb ick ghedacht,
Ick heb meest al mijn daghen,
Dat sal ick nv beclaghen,
Godt gheeft hem zijn weldaden,
Dus wil ick metter spoet,
Die werelt gansch versmaden.
Ick wil my gaen begheuen,
| |
| |
Heer wilt my helpen daer,
Al op der deuchden graden,
Want ick wil nv voorwaer,
De werelt gansch versmaden.
Den Prins sal ick versaecken,
Want hy moet eeuwich blaecken,
Met Godt maeck ick verbont,
Die mijn siel can versaden,
Die werelt sal versmaden.
|
|
Auteursrechtvrij