Den schat der armen oft een medecijn-boecxken

Longhen suyveren van fluymen ende etter.

SCabiosa alleen of met die wortelen in bier of wijn ghesoden, ende wat gesoet, desen dranck suyvert der Longhen etterige fluymen.

Penseen bloemen met die cruyden in soete melck gesoden ende ghedroncken, ghenesen die Longen.

Die wortel van Lisch drooch ghepoedert met honich of suycker vermenght ende dickwils gheslickt, gheneest ende suyvert de Longhen.

Bethonie in hutspot ghekoockt, dat nat soet gemaeckt met suycker ende ghedroncken, suyvert de

[p. 99]

Longhen van etter ende fluymen.

Syroop van Violetten geslickt, is goet voor een borste met fluymen gheladen.

Soethout of Calissihout alsmen dit knaut ende inden mont hout, is goet voor verstoptheydt der Longhen.

Olye van bitter Amandelen buyten op die borst gesmeert ende wel ingewreven, dient om die Longhen te suyveren van vuyle quatten.