Graveel ghenesen.
CAmilllen in water ghesoden en van buyten op die blase gheleyt, gheneest het graveel.
Onse vrouwen bedstroy genaemt Serpillum, met wijn of water ghesoden ende gedroncken helpt wel.
Maluwe in water of wijn ghesoden ende ghedroncken versacht het graveel.
Die wortelen van Sperges ghesoden ende ghedroncken, ghenesen het graveel.
Die ionge bladeren van Cruysbeyen gescherft, en in een struyve gebacken, ghenesen het graveel.
Bitter Amandelen met soeten wijn als Bastaert inghenomen, versacht het graveel.
Oock mede drooghe vijghen voor den eten ingenomen versachten de pijn des graveels.
Die gomme die wt kerseboomen of krieckeboomen vloeyt, met wijn inghenomen, gheneest het graveel.
Anijs saet ende Peterceli sact ghepulveriseert met suycker t'savonts ende smorgens ingenomen, geneest het graveel. Peterceli wortelen ende Venckel wortelen, doeter het binnenste herte wt, ende sietse met soet hout in eenen aerden pot met water, ghebruyckt dit dickwils smorghens ende savonts het sal seer helpen teghens 'tgraveel.
Neemt Kervel, Venckel, Violette bladeren, groene Mageleyn, Bethonie, van elcx een hantvol, een witte Ajuyn cruyswijs gheclooft, of by ghebreke van dien dry bollekens Parey ende daer een Warmoesken afghemaeckt met Hamelen soppe ongestouten, met oock versche boter, dit ghegheten smorghens
Auteursrechtvrij