Cancker ghenesen.
DIe Cruyt-Liefhebbers segghen, Helm-cruyt ghestooten, met Sout opgheleyt, gheneest den Cancker.
Bladeren van barrende Netelen met Sout gemenght, ghenesen den Cancker.
Neemt drop-Petouwe wastet daer mede, daer na droochtet met een schoon doecxken, en bestroyet met poeder van Galnoten, het geneest den Cancker.
Neemt Honich, Tarwenbloeme, Sout, Peper, van elcx eenen lepel, dit in eenen yseren lepel tot pulver ghebrant, ende opghestroyt smorgens en t'savonts, ende reynighet met wijn ende pisse, het geneest den Cancker.
Auteursrechtvrij