Appetijt maken.
CAppers met oly ende azijn gegeten, dienen wel om appetijt te maken.
Item surick gestooft ende gegeten hongert wel.
Mirredick-wortel gheraspt, ende daer by ghedaen cruymkens van wittebroot ende soo gegeten tot snoeck of ander visch, smaeckt wel ende verteert lichtelijck.
Suycker wortelkens ghesoden ende gegheten, smaken lieffelijck ende maken appetijt.
Petercely ouer den visch ghestroyt, maeckt goede verteeringe, of petercely wortelen by den hutspot ghekoockt, smaken wel, ende verteeren lichtelijck.
Item sommighe Ionckers rapen appetijt met vasten, ende gaen wandelen.
Ghebraden ajuyn salade, met oly ende met azijn ghegheten, vermeerdert den appetijt.
Kervel, warmoes, of een ghebacken struyfken van warmoes, maeckt den appetijt.
Mostaert gegheten tot help, ende harden cost, doetse wel verteeren.
Een sause van peper ghemaeckt tot ghebraden hasen, doet die harde spijse wel verteeren.
Auteursrechtvrij