Ambey ghenesen.
NEemt het sappe van huysloock, ende strijckt dat op den ambey.
Item een nieuwe panne gheheet op het vier, en stroyt daer in annijs ende comijn, ende den roocke van onder ontfanghen, is goet voor't bloeden van den ambey.
Akeren of eycken loof bladen, met stercken azijn ghekoockt ende ghestampt, ende in twee roode sacxkens ghedaen, ende warm by veranderinghe op gheleyt, stelpt het bloeyen vanden aembey.
Oesters schelpen ghebrant, ofte mossel schelpen, ende ghepulveriseert, met lijnsaet oly aenghestreken.
Roos salf aenghestreken, versaeft den Ambeye.
Ambey-cruyt met die wortelen met wijn ghestampt, ende deur ghedaen, dient seer wel om den ambey mede te wassen, soo salse haest ghenesen.
Auteursrechtvrij