Den schat der armen oft een medecijn-boecxken
(1626)–Heyman Jacobs–
[pagina 45]
| |
SChellen van Arangen appelen gheconfijt gegeten, ghenesen den stinckenden azem. Roosmareyn-bloemen ende oock het cruyt in wijn ghesoden ende ghedroncken verdrijuen den stinckenden adem. Alsem wijn ghedroncken een wijl tijdts vervolghens, maeckt den adem soet. Notenmuscaet ingenomen, maken een welrieckende adem. Annijs-saet gheknaut en ghegheten versoeten den stinckenden adem. |
|