Den schat der armen oft een medecijn-boecxken

Van Vet ende Magher.

EEn mensch die te vet is ende gern mager waer, sal schicken sober te leven ende gebruycken veel foute ende suyre dinghen, verslagen bier ende wijn, ende staen 'smorgens vroegh op, ende wachten hem over dagh te slapen, ende gaen 'savonts laet te bedde, want sober eten, weynigh slapen, groote sorghe, swaren arbeydt, die sullen een mensch die vet is,

[p. 15]

magher maken. Maer soete melck, nieuw-backen broodt, goet schapen ende runderen vleesch, versche kaes ende boter. Desen dinghen maken een mensch vet ende sterck, alsmen daer by blijde ende vrolijck leeft.

Oock dick bier, versche eyeren, en goeden vvijn,
Dienen daer oock vvel by te zijn.