Een dancksegginghe aende ouders.
EErweerdighe seer beminde Vader ende Moeder N.N. Ick doe mijn ootmoedighe recommandatie aen v l. Ende ick bedancke v l. hertelijcken seer van al het goet dat ghy my tot noch toe ghedaen hebt, my voedende ende onderhoudende tot noch toe in cost en cleederen, en bysonder soo bedanck ick v l. van alle de goede vermaninghen, die ghy my ghedaen hebt, En dat ghy my by een Godtvruchtich Schoolmeester bestelt hebt, die my in alle deuchden gheoeffent heeft, Godt zy v loon inder eeuwicheyt, ende ick salt altijdt ghedachtich vvesen, ende bidden onsen Heer dat hijt aen u verghelden vvil, hier tijtelijck, ende hier naemaels eeuwelijck.
voort soo presenteer ick my selven gantschelijck tot uwen belieuen, en begeer u nacht en dach by te staen in al het gheen dat u ouercomen mach, in alle last ende noot soot vvel reden is. Zijt hier mede den Heer bevolen. Gheschreven in Haerlem.
Auteursrechtvrij