Een seyndinghe van de ouders tot de kinderen.
SEer beminde soon G.I. seynde v met den brengher van desen vier hemden met een paer schoenen. Wilt v uyterste neersticheydt doen om 'tselfde met neersticheydt te verdienen, op dat ghy een man van eeren moecht worden.
Ghy vveet vvel wat ick al costen aen u ghehanghen hebbe, en hoe dickwils ick v tot die deucht ende goed leeringhen vermaent hebbe, het soude een eeuwighe schande voor v vvesen dat ghy moch sonder gheschicktheydt ende goede leeringhen thuys soude comen.
Bysonder so ghy so goeden Meester hebt die soo groote neersticheydt doet om v vvel te leeren. Ende geen oorsake en hebt om u te excuseren, om niet te studeren. Wilt dan neerstich leeren, ende hebdy yet anders van doen, soo latet my vveten, Ick salt v met den eersten bestellen. Hier mede blijft den Heere bevolen. Gheschreven in Haerlem den xvj. Februarij. Anno 1589.
Auteursrechtvrij