Vermaninghe tot die vier uyterste.
LIeve seer beminde vrienden, I.I. Ick recommandeer my in u goede gratie, En laet u vveten dat onder verscheyden dinghen die een mensch aen pooren om een deuchdelijck leven te lyden. Soo dunct my datter geen dinck beter en is dan dickwils hem selven te oeffenen int overdencken ende int lesen van die vier vvtersten. Want hier deur crijcht een mensch en vreese ende schreumen om quaet te doen, overmidts die toecomende straffinghe des quaets ende der sonden. Ende hy crijcht een lust ende vermakelijckheyt in die deuchden om die toecomende vergeldinge des eeuwige levens: Want vvie en soude niet garen die vvercken van barmherticheydt doen. Een yegelijck gelijck en recht doen, als een mensch denckt dat hy hier deur vvt gratie sal ontfanghen die onbegrijpelijcke vreuchde des eeuwighe levens. Wie soude oock niet schreumen quaet te doen, te liegen, te bedriegen, onghehoorsaem of ontrou te vvesen, of eenige ander sonden doen. Als een mensch denckt dat hy hierom eeuwich soude moeten bernen in de Helle. Dus beminde vrienden oeffent u selven dickwils inde vier uytersten.
Ende zijt hier meden Heere bevolen.
Auteursrechtvrij