Ghemeene seyndtbrieven

Om een goede naem ende faem te vercrijghen.

KInders in Christo Iesu, naedemael die vvijse man ons leert dat een ghoede naem en faem beter is dan veel rijckdommen, Soo vermaen ick vvt Vaderlijcke liefde dat ghy soo vvel wilt leven, dat ghy een goede naem moecht vercrijghen, niet tot ydele ostentatie, maer tot stichtinghe van v eue mensch, soo datse siende u deuchdelijcke vvercken moghen glorificeren. Godt uwen Hemelsche vader schickt dan so deuchdelijck te leven, dat een yeghelijck u deucht mach prijsen ende nae volghen. Ghy

[fol. A5r]

sult mede waerich vvesen met alle menschen. Den ouden sult ghy eeren, met den goeden sult ghy omgaen, vveest binnens huys blygheestich, en buyten stemmich. Weest niemandts verdriet, bewijst geen vveldaet vveest neerstich in u vocatie, houdt mate in alle dingen. Beminde kinderen wildy dese leeringhe vvel onderhouwen soo suldy prijs ende begaen, ende sult een goede naem en faem vercrijghen, dat u Godt den Heer gunnen vvil, dien ick u al t'samen bevele. Gheschreven in Haerlem dsen xvj. Augusti. Anno 1588.