Journaal gedurende de veldtochten der jaren 1673, 1675, 1676, 1677 en 1678
(1881)–Constantijn Huygens jr.–
AuteursrechtvrijOctobre.Mardy. 1.Je fus me promener le matin, S.A. estant encor à la chasse, auec Albrantsweert et Boreel, et fis deux desseins devant et apres midy. Le pays en ces quartiers n'estoit que mediocrement beau au prix de celuy que nous auions veu auant que d'y venir. Van Hill conta a table que madame de Sterrenbourg une fois ayant perdu tout son argent et volé son mary, auoit esté dans un tel desespoir qu'elle estoit en chemin pour se jester dans un Couvent. | |
[pagina 68]
| |
qu'elle scauoit la disette d'argent ou il estoit, mais bien de ceux qui se jouoyent dudt Duc et d'elle tout a la fois. Qu'au reste elle auoit creu de pouvoir encor emporter de cette campagne la Citadelle de Liege, par la prise de laquelle ou auroit pû asseurer une grande partie de la Meuse, couvrir Namur et Luxembourg qui s'en alloyent perdues la campagne prochaine et prendre des quartiers d'hyver a choix; mais que le duc de Villa-Hermosa, quoyque souhaitant la mesme chose, n'auoit pû faire entrer en son sentiment ses generaux et que Chieze pourroit temoigner en Espaigne que tout cela causoit bien du deplaisir a S.A. Le soir mr le Prince me fit mettre au net un brouillon de lettre qu'il escriuit audt Duc ou estoyent deduites les raisons qui l'auoyent fait conseiller ledt dessein d'assieger la citadelle de Liege. A la fin il y auoit, qu'il falloit considerer de quel effet seroit le dessein de marcher vers l'ennemy et si le manque de fourages et de vivres, si l'on n'estoit pas bien resolu de l'attacquer dans son poste s'il ne retiroit, ne causeroyent du nounel embarras. | |
Jeudy. 3.S.A. fut a la chasse depuis le matin jusques à trois heures. Marquette cur la compe de Cauallerie de Losecott. Boreel souppant dans ma chambre me dit que Demarais auoit emporté soubs son manteau un enfant dont madame d'Ouwerkerck estoit accouchée dans la maison de Spijck auant son mariage; que la femme de Tromp a Delft estoit une meschante beste, et qu'elle anoit esté esperdument amoureuse de Jacob van der Dnssen. | |
Vendredy. 4.Je disnay chez Dyckvelt auec Brederode, lo Comte de Solms etc. Ce dernier conta que le Prince Frits de Nassau ayant eu de S.A. le regiment de Ringelenbergh, se repentit de l'auoir obtenu et se cacha dans une charette sans se vouloir faire voir a personne; que Ringelenberg le tira de la pour le faire (voir) a la teste de ce Regt quand il fut commandé il y a quatre ou cincq | |
[pagina 69]
| |
jours pour aller (à) Tirlemont. Qu'en chemin il voulut descendre du cheval venant au pont d'une petite riviere pour se jetter dedans, et puis voulut faire la mesme chose auec le cheval. S.A. escriuit a l'Emperr et a Montecuculi que le dessein qu'il leur auoit mandé d'auoir (celuy de Liege) ne devoit point auoir d'effet par l'opposition des Generaux des trouppes d'Espaigne. | |
Samedy. 5.Le disnay chez Naeldwyc auec beaucoup de monde. On y tourna l'hoste quasi en ridicule. La Lecq cria a la santé de mr Naeldwyck l'aisné et puis de mr Naeldwyc le Cadet. La table estoit mal servie, quatre ou cincq personnes de priés plus qu'elle ne pouvoit tenir, enfin grand desordre. Chascun prit une bouteille de vin d'Ay sur ses genoux. Dyckvelt me conta qu'Achthienhoven estant envoyé vers mr l'Electr de Brandebourg et restant quelque chose a demesler touchant un point du Traité, on resolut a cette Cour d'envoyer le Gn̅al Maj. Dorflin, Achthienhoven luy donna une lettre d'adresse, disant que ce Seigneur de la part de mr l'Electr venoit a la Haye et qu'elle auroit à le loger et traiter auec toute sorte de civilité et secrettement. Auant qu'il arrivast Pelnitz le fils vint voir made d'Achthienhoven et luy dit qu'il auoit veu mr son Pere en bonne santé et venoit pour l'en asseurer; elle croyant que c'estoit Dorflin, le pressa de toutes les facons pour demeurer au logis, offrant de le tenir la en toute secretesse. Je vis dans une lettre de S.A. au R.P. qu'il luy recommandoit de parler a Odyck pour faire partir Du Moulin vers Suriname. | |
[pagina 70]
| |
operateur vendant de l'orvietan, qui pour faire valoir sa drogue prit dix ou douze viperes qu'on luy auoit apportees, les mit dans un sac et puis soymesme aussi se roulant assez long temps la dedans pour irriter ces bestes. Apres ostant le sac tout le monde vit que ces viperes l'ayant mordu demeurerent attachees a la peau par les dents. Ses valets les prenants par les machoires les firent lacher et luy ayant pris de son orvietan, s'en alla au logis et revint au bout de trois jours, les morsures n'ayant laissé que de petites taches noires comme la piqueure d'une puce. Il dit en auoir veu un autre qui entreprenant de prendre du poison qu'on luy donneroit, il prit le sang de crapaux, des araignees et de l'arsenic aussi, si je ne me trompe, deux dames de condition ayant loué expres une fenestre qui regardoit sur son theatre, luy envoyerent une petite fiole de poison de leur facon. Il dit qu'il apprehendoit plus cela que tout le reste et ne laissa pas de le verser auec les autres especes, et ayant avallé le tout, il tomba et devint pale et blesme et estant demeuré quelque peu de temps comme cela et luy ayant esté appliequé tout ce que l'on pût de remedes ordinaires et extraordinaires, il revint non pas le troisiesme jour, comme il auoit dit, mais le cincq ou sixiesme, estant encore fort defait. Ils font ces choses en grandes compagnies qui ont part au debit de ces medicaments. | |
Lundy. 7.Le Comte de Stirumb le vieux eut querelle auec le Comte Reüs pour quelquechose que ce dernier auroit dite de luy. On les fit arrester le soir. Il fit encore tres beau temps. Bruynestein conta qu'il auoit veu qu'un jeune garcon, qui pouvoit auoir 17 ans, a Venise d'un coup de pistolete (une sorte de fort long cousteau) tua un autre et se sauva sans que personne se mist en deuoir de le poursuivre. Qu'un prestre tua de son temps dans la mesme ville un autre ecclesiastique sur la place de S. Marco et voulant se sauver | |
[pagina 71]
| |
dans l'eglise trouva la porte fermee, il se mit pourtant sur le seuil de la porte, faisant signe de la main qu'il estoit dans l'enceinte de l'Eglise. Le Capitan grande n'osant le faire prendre, demanda ordre du Prince, qui dit qu'il n'auoit qu'a le saisir et qu'on en seroit tousjours quitte en le remettant au mesme endroit. Le Patriarche ne trouvant pas a propos de le reclamer, il fut degradé et noyé dans le Canal grande. Sur ladt place de S. Marco il y a des quartiers ou toute sorte de nations et de personnes ont accoustumé de s'assembler touts les jours. Entre autres il y en a un marqué par de certaines enseignes ou personne ne va que les nobles. | |
Mardy. 8.Je disnay chez Dyevelt auec les deux deputés des Estats de Liege, le Comte de Niel et le Baron de la Fosse Chanoine de la Cathedrale. Le Comte de Niel nous dit que la vefve du Ruart de Putten auoit epousé depuis huict ou dix jours un Baron de Here du Pays de Liege, un homme d'environ 56 ans Papiste et qui auoit dix enfants. Il nous conta encore que l'Electeur de Coloigne ayant fait ouvrir deux ou trois de ces petites montaignes qui se trouvent tout le long de la grande chaussée et qu'on dit estre des tombes des Romains, on n'y auoit trouvé que de la terre et des cailloux et qu'un certain Coninx, Controlleur de la maison dudt Electr et a qui il avoit donné charge de ceste affaire, le luy avoit asseuré. Qu'a Bavay au milieu de la ville il y a une grande pierre avec une inscription antique marquant combien du chemins militaires aboutissoyent là. | |
[pagina 72]
| |
de Cauallerie soubs le commandement de mr le Rhingraue. Envoya ordre a sr de Hofwegen a Bergues d'envoyer dans Hulst et les forts les plus exposés en ceste occasion la moitie du regimt de Horn et fit partir mr de la Lecq pour son Gouvernement d'Escluse. | |
Jeudy. 10.Le Fiscal Rooseboom et Valkenbourg estant le matin dans ma chambre, me dirent beaucoup touts deux des mescontentements qu'il y auoit parmy les gens du pays de ce que les estrangers leur estoyent preferés, nommants Opdam, Ginckel, Nordwye, Walenbourg, la Lecq, et plusieurs autres, et estoyent d'opinion que S.A. ne cajoloit pas assez ny le peuple ny ceux du Gouvernement, feu le Prince Guillaume et le Pr. Henry en ayant usé tout autrement. Valkenbourg venoit me parler d'une lettre de madame de Sterrenbourg dans laquelle elle le prioit de parler au Comte de Waldec pour le faire interceder aupres de S.A. afin quelle voulut addoucir la sentence de Wicquefort, qui venoit de luy estre envoyee, a ce qu'elle disoit. Le jour d'auparavant quelqu'un me dit qu'il auoit esté condamné a prison perpetuelle et que l'on l'avoit envoyé a Louvestein. Par des lettres de la Haye je sceus hier que le mariage du Prince de Churland auec la Princesse de Nassau venoit d'estre consommé. Le matin a huict heures et demye l'on me dit que l'ennemy auoit fait un detachement de 2000 chevaux pour attacquer, a ce que l'on croyoit, nos trouppes parties hier. Mr le Prince monta a cheval sur les 9½ heures auec quelques trouppes, et revint sans auoir rien veu. On me dit le matin que l'ennemy s'estoit retiré du Pays de Waes et que l'on auoit contremandé nos trouppes. | |
[pagina 73]
| |
rien a oster ou a deguiser, d'autant que la matiere de plusieers articles estoit fort delicate. S.A. leur escriuit par une lettre de la facon du R. Pensionaire qu'il ne pouvoit pas bien leur dire son auis la dedans, mais qu'ils feroyent bien de donner part du tout aux deputés de affaires secrettes. Je disnay chez Dyckvelt auec 11 autres personnes. S.A. escriuit à Romswinckel qu'elle croyoit estre a la Haye dans fort peu de temps, mais 's Gravemoer me dit chez Dyckvelt qu'il croyoit qu'il pourroit y auoir du changement en ce dessein. | |
Samedy. 12.On dit qu'il venoit encor d'autres trouppes de Lunebourg vers ces quartiers et qu'elles estoyent desia aupres de Kerpen. Le fils de mr de Huybert, Pensionaire de Zelande et Frangel, touts deux Capitaines de Cauallerie, ayant eu querelle et ayants estés accordés par mr de Montpouillan, se battirent a sept heures du matin a cheval, et ayants manqué la premiere fois touts deux leurs coups, a la seconde passade de Huybert donna dans la teste de l'autre et le tua roide mort. | |
Dimanche. 13.S.A. escriuit a la Reine d'Espaigne, repondant a sa lettre du 13e, qu'elle auoit fait pour la conservation des Pays-Bas et les interests communs tout ce qui auoit esté possible selon la disposition des affaires; qu'elle auoit eu un dessein d'importance depuis peu, mais que les Generaux Espagnols l'ayant trouvé trop hasardeux il n'avoit pas esté executé; qu'elle s'en alloit a la Haye, croyant y devoir estre plus utile qu'a l'armee: Elle escriuit encor a Chieze de tascher d'oster les impressions que son depart pourroit causer comme s'il y auoit quelque mesintelligence entre luy et le duc de Villa-Hermosa, dont il estoit extremement bien satisfait, mais pas de mesme des Generaux Espagnols. Elle escriuit le mesme jour aux ducs de Lunebourg, les | |
[pagina 74]
| |
remerciant de luy auoir offert de se seruir encor de leurs trouppes; que luy et le duc de Villa-Hermosa auoyent escrit a l'Empereur pour faire donner des quartiers d'hyuer a leur trouppes dans le pays de Coloigne et aux environs d'Aix la Capelle, priant, qu'en attendant reponse, ils voulussent laisser leurdtes trouppes sur le Roer. Boreel dit qu'en Italie il y a des braues a milla scudi qui estants attrappés et mis à la torture la souffrent trois fais sans parler, la oul es ordinaires trahissent d'abord leur maistre. | |
Lundy. 14.On prepara toutes choses pour le depart de S.A. de l'armée. Mr le Pr. escriuit aux ducs de Lunebourg, a Montecuculi et a l'Elr de Brandebourg que mrs les Generaux Espagnols ayants creu qu'il n'y auoit plus rien a faire pour cette campagne, il alloit se retirer, et a Montecuculi qu'il laissoit l'armee au Pays-Bas soubs le commandement du Conte de Waldec et aux ordres du duc de Villa-Hermosa auec lesquels il pourroit concerter touchant le temps auquel il seroit a propos d'entrer dans les quartiers d'hyver. Je receus des lettres du logis portant aduis d'une fascheuse affaire que le frere Louis auoit a Gorcum ou une partie du magistrat vouloit luy oster la seance dans le Vroetschap. | |
Mardy, 15.Nous marchances auec l'armee de Lainsan jusques aupres du moulin de Warem ou le Comte de Niel attendoit S.A. pour luy donner a desjeuner; mais comme justement elle auoit mis pied a terre pour cet effet, le jeune Comte de Waldec luy vint dire que vers l'arrieregarde s'estoyent monstrés 60 esquadrons de la Cauallerie ennemye. Ce que mr le Prince ayant entendu se remit vistement a cheval et courut a l'arriere-garde; mais il se trouva qn'il n'y avoit eu que quinze ou seize esquadrons: ainsi il revint et ayant desjeuné à la haste, il prit congé de tout le monde et nous quittames l'armee ayants trois | |
[pagina 75]
| |
esquadrons pour nous escorter jusques a un lieu ou la Guette nous attendoit auec 500 chevaux a une demy heure de Tirlemont. On jugea que c'estoit un peu hasardé dans un pays ou l'ennemy estoit si proche et rien qui nous separast, comme en effet la Guette auoit veu quelque cavallerie; mais Frankestein l'ayant poursuivie auec quelques esquadrons ils avoyent gaigné au pied. Ayants passé Tirlemont nous fumes surpris de la nuict et passames pourtant jusques a Louvain ou S.A. logea a l'Empereur et moy auec quelques autres au Sauvage la aupres, ou l'on ne nous voulut ouvrir qu'auec beaucoup de façon, estant desja minuit quand nous y arrivames et fort tard quand nous nous couchames sur des chaises, faute de paille. Le Prince de Vaudemont estoit venu auec mr le P. de l'armée, allant a Brusselles. | |
Mercredy. 16.Nous partismes de Louvain de bon matin et allames quasi tousjours au galop jusques a Malines ou mr le P. se mit en calesche et nous suivismes le mieux que nous pusmes jusques a Anvers, ou nous arrivames a midy et demy. S.A. s'embarqua dans son nouveau jacht de Rotterdam. Je couchay dans le besaen-jacht et nous fusmes obligés de mouiller devant St. Annelant. S.A. estoit de fort bonne humeur dans ce voyage. | |
Jeudy. 17.Nous passames devant Dort, ou le Magistrat vint saluer mr le P. et luy offrir le vin et arrivasmes 7 heures et demye a Gorcum, apres auoir tasché de monter la Lecq, mais ayants appris depuis qu'il n'y auoit pas assez d'eau pour le jacht, qui en tiroit six pieds, à Gorcum S.A. me fit aller a terre pour luy faire auoir un basteau ou un Carosse pour le Vaert, voulant aller la nuict; mais le temps estant fort mauvais et empirant tousjours elle resolut de partir le lendemain. J'allay soupper et coucher chez mon frere qui ne m'entretint que de ses brouilleries. | |
[pagina 76]
| |
mandé d'Utrecht, l'attendoit et auec lequel elle arriua sur les 11 heures a Soestdyc. Moy j'allay en chariot de Gorcum à Utrecht, de la a Soestdyc. Mr le P. m'y monstra avec de la satisfaction son appartement qu'on auoit meublé. Odyc et Desmarais y estoyent. Ouwerkerck me dit que S.A. auoit dit vouloir aller à la Haye dans un jour ou deux, si elle voyoit de l'apparence de deuoir retourner a l'armée, mais qu'autrement elle vouloit encor chasser a Zuylestein. | |
Dimanche. 20.Desmarests fit une priere, puis S.A. alla a la chasse ou je fus aussi quelque temps sans qu'on prit rien, et on retourna fort mouillé au logis. Desmarests me dit qu'on croyoit que Wicfort seroit condamné a une prison pour le temps de la guerre et a un bannissement apres la paix faite, S.A. receut des lettres de l'armee portant que le lendemain de nr̅e depart on auoit marché du costé de St. Tron. Que le jour de nr̅e depart toute la Cauallerie des ennemys nous auoit suivys et leur infanterie auoit esté soubs les armes. Desmarests dit auoir entendu de S.A. que l'ennemy s'estoit un peu retiré et que l'armee campoit en lieu seur, tellement qu'il n'y auoit point d'apparence que S.A. retourneroit à l'armée. Odyc me dit le soir que mr le Pr. estoit en peine de placer la Cauallerie que l'on auoit creu deuoir demeurer au pays de Liege. Je vis madlle Ewick qu'on nommoit à Utrecht la duchesse d'Anguien pour avoir esté maitresse du duc pendant qu'il estoit là. Elle estoit tres jolie, mais un peu vermillonnée à ce qu'il sembloit. | |
[pagina 77]
| |
Lundy. 21.Berkesteyn me vint voir et je luy monstray mes petits desseins. S.A. a table, estant, je ne scay comment, tombé dans le discours de Jacoba Bartolotti me dit: ‘Zeelhem jy bent soo een galant, je hoort se eens te gaen besoecken’, je luy dis que nous auions des proces. | |
Mercredy. 23.S.A. fut a la chasse du renard et en tua un elle mesme. L'on dit pour asseuré qu'elle partiroit vendredy pour la Haye. Le Pensionaire de Gorcum vint pour parler a S.A., sans paroistre a la Cour, mais fut renvoyé a la Haye. Je croy que c'a esté pour parler de la part de la cabale contre mon frere le Drossard. | |
Jeudy. 24.Je fus auec S.A. à la chasse le matin et on prit un renard au taillis de Craloo. Nous disnames chez le Schouth de .......Ga naar voetnoot1). Le soir il vint un courier du Comte de Waldec portant auis qu'il y auoit quelque nouvelle que les ennemys auoyent investy Charlemont, et la dessus S.A. resolut, si la chose estoit confirmée par d'autres lettres, d'aller a l'armée au plus viste. Un peu apres Colyear vint auec Desveau, estants partys un jour apres ledt courier et portant nouvelle que ce bruit de Charlemont ne continuoit pas. Sur quoy S.A. resolut d'attendre un autre courier pour resoudre, ce courier selon tout apparence deuant arriuer nuit prochaine. | |
[pagina 78]
| |
disné là au Nieuw Heeren Logement avec le cousin Pesgens, je partis dans le chariot de Poste et arriuay a sept heures a la Haye ou toute la Bourgeoisie en armes attendoit S.A. qui arriua une bonne heure apres moy. |