Oeuvres complètes. Tome XXII. Supplément à la correspondance. Varia. Biographie. Catalogue de vente

[p. 20]

I.
H. Bruno à Constantijn Huygens.
1639.

Lettre (se trouvant à Leiden, collection Huygens) partiellement résumée en quelques lignes par J.A. Worp dans son édition de 1911-1916 de la correspondance de Const. Huygens (No. 2102).

Viro Illustrissimo Amplissimo D. Constantino Hugenio, Toparchae in Zuilichem, etc. Domino quoad vivam honorando, S.P.D.

Non impingam herclè tertio¹⁾, Domine, in humanitatem, in patientiam, in negotia tu: nec litteras πολυϕύλλους scribam sed breviter ut, quia nihil in me quod placere possit, est, cito displicere desinam. Ipsa repullulans scabies saciem meam insidens, obsidens, orique imminens, minitari mihi videtur, nisi continuerit sese illa lingua benè linguax: neque cohibere tamen usque adeo, aut in officio tam arctè continere sustineo, quin laudes Constantini, adolescentis, bone Deus, quanti! in Constantini magni sinum effundat. Novi nihil praecipue adfero, nisi Constantini nova, quibus jam tumeo, praeconia. Sed profectò nunquam aut mihi, aut meritis omni laude majoribus, satisfacere queo, et injuriam fieri ejus video virtutibus, si eum depraedicare instituam, quasi ullius vox, nedum mea, dignitati respondeat. infinita vis dicendi, inexhaustum flumen ingenij, ejus meritis duntaxat paria sunt; ubi mereri desinet, moliar et ego schema encomij qualecunque, nunc laudis illud sumat, non potest cani. Quid enim? Poësis, Rhetorica, exercitia stijli, Musica, Arithmetica, (et quid non?) omnia inusitata, sine exemplo. Caeteri, ut et ipsi praeconis non fraudandi, ita cum hoc, (nam dicendum est) neutiquam sunt conferendi. Caeterum Tristia Ovidij postquam absolvimus, non abs re videtur, si ad laetiora illa Bucolica maximi Maronis accedamus. nisi fortè libros De Ponto praemittere jubeas, nam Metamorphosis quidem arridet quam maximè, et mihi, et nobilissimis commilitonibus, sed nonnihil eorum existimo excedere

1) La présente lettre est la deuxième de la collection, la précédente étant datée VIII Kal. Iunias; une autre lettre, également antérieure à la présente, fait donc apparemment défaut (il est vrai que dans la collection, telle qu'elle est conservée à Leiden, il y a encore une deuxième lettre qui précède mais celle-ci est de 1640, l'ordre n'étant pas toujours chronologique).

[p. 21]

captum; quanquam sedulò pro ingenioli modulo explicarem; verum et hic, et ubique, tuum imperium, et consilium sequar. Simul oro veniam (vide Amplissime domine quantum audaciae mihi conciliârit benevolentia vestra, quantùm confidentiae) aliquot dies, quae definire placuerit, Leidae commorandi. Nam disputandum mihi Theologicè propediem erit. Spondeo non invitus, et officij ergò, me etiam atque etiam conaturum, ut lepidissimis filiolis, vel absens, praesens sim; praescribam, quid quoquo die, quaque horâ agant. Sed desino tum ne te morer, tum ne de facilitate vestrâ sacrilegè viderer dubitasse. Felicissime vale, praestantissime virorum, humillime veneratus

Ab ampl. tuae cliente
devotissimo
Henrico Brunone

Raptim, IV Kal. Iunias. MDCXXXIX²⁾.

Hagae Com:

Den WelEdele, Hoogh-Achtbare, Wijtberoemde,
Heere, Mijn Heer Constantin Huigens,
Heer tot Zuilichem, etc. In 't Leger.

Une lettre de Bruno du 11, ou plutôt du 12, juin de la même année, également adressée à Constantijn père, a été publiée par nous à la p. 539 du T.I.

2) Avec Worp nous interprétons ‘IV Kal. Iunias’ comme indiquant que la lettre a été écrite 3 jours avant le 1 juin, donc le 29 mai. Une lettre de ‘VIII Kal. Iunias’ (note précédente) lui est antérieure de quatre jours et date donc, suivant nous, du 25, non pas du 24 mai. Cette dernière lettre a été publiée à la p. 537 du T.I.