Privilege dv roy
LOUIS par la grave de Dieu de Roy de France & de Navarre: A nos amez & feaux Conseillers, tenans nous Cours de Parlement, Maistres des Requestres ordinaires de nostre Hostel, Baillifs, Seneschaux, Prevosts, leurs Lieutenans, & tous autres Justiciers & Officiers qu'il appartiendra, Salut. Nostre cher & bien amé François Muguet nostre Imprimeur ordinaire, Nous a tres-humblement fait remontrer qui'il luy auroit esté mis ès mains un Livre intitulé, Christiani Hugenii Zulichemii Const. F. Horologium Oscillatorium, seu de motu Pendulorum ad horologia aptato demonstrationes Geometricae, qu'il desireroit donner au public s'il Nous plaisoit luy en accorder la permission, humblement requerant icelle, À CES CAUSES voulant favorablement traiter l'Exposant, Nous luy avons permis & accordé, permettons & accordons par ces presents d'imprimer ou faire imprimer ledit Livre en telle forme, caractere, volume, & autant de fois que bon luy semblera, durant le temps de six années entieres & consecutives, à commencer du jour qu'il sera achevé d'imprimer pour la premiere fois, faisant tres-expresses dé fenses à toutes personnes de quelque qualité & condition qu'elles soient, de l'imprimer ou faire imprimer, vendre my débiter durant ledit temps en aucun lieu de nostre Royaume, sans le contentement de l'Exposant, ou de ceux qui auront droit de luy, sous quelque pretexte que ce soit, à peine de quinze cens livres d'amende applicable, un tiers à Nous, un tiers à l'Hôpital General de nostre ville de Paris, & l'autre tiers à l'Exposant, de confiscation des exemplaires contrefaits, & de tous dépens, dommages & interests, à la charge qu'il en sera mis deux exemplaires en nostre Biblioteque ordinaire, un en celle du cabinet de nostre Louvre,
& un autre en celle de nostre amé & feal Garde des Sceaux le sieur Daligre. SI vous mandons que du contenu en ces presentes vous fassiez jouir & user l'Exposant, & ceux qui auront droit de luy pleinement & paisiblement, cessant à faissant cesser tous troubles & empêchemens au contraire, voulans qu'en inserant ces presentes ou extrait d'icelles en chacun des exemplaires, elles soient tenuës pour bien & deuëment signifiées, Commandons au premier nostre Huissier ou Sergent sur ce requis, faire pour l'execution des presentes tous exploits à ce necessaires. Car tel est nostre plaisir. Donné à Versailles le dernier jour de Septembre l'an de grace mil six cens soixante-douze. Et de nostre Regneletrentiéme. Signé, LOUIS. Par le Roy, Colbert.
Registré sur le Livre de la Communaute des Marchands Libraires & Imprimeurs de Paris, le 4. Novembre 1672. suivant l'Arrest du Parlement du 8. Avril 1653, & celui du Conseil Prive du Roy du 27. Fevrier mil six cens soixante-cinq. Signé, D. Thierry, Syndic.
Achevé d'imprimer pour la premiere fois le premier jour d'Avril 1673.
Les Exemplaires ont esté fournis.
Auteursrecht onbekend