Oeuvres complètes. Tome IX. Correspondance 1685-1690

[p. 489]

N^o 2619.
Christiaan Huygens à O. Römer.
12 septembre 1690.

La minute se trouve à Leiden, coll. Huygens¹⁾.

Cum primus in lucem prodijt libellus meus in quo de Luce et Gravitatis causis disserui bina ejus exempl. ad Te misi; quae curanda recepit vestrorum mercatorum apud Amstelodamenses curator seu Consul quem vocant. Eorum alterum Clar. Viro Er. Bartholino destinatum fuisse ex inscripto nomine intellexeris, dummodo reddita fuerint, quod ut mihi significes magnopere rogo. Quod si satis otij quoque vobis fuerit, quo perlegere ac perpendere opuscula haec potueritis; multo gratissimum mihi feceris si quid de eo sentiatis exponere placeat.

Memini cum Parisijs in Bibliotheca regia de Crystallo Islandico commentatiunculam meam legerem²⁾, non prorsus te assensum Expositioni meae, quae forsan nunc verisimiliores videbuntur propter duplicem refractionem Cristalli vulgaris quam postea comperi atque hic inserui. Certè experimenta refractionum indiversis Islandici sectionibus plurimum confirmant conjecturas meas neque id puto diffiteberis.

Caeterum caepit hoc crystalli genus hic a multis jam requiri ac magis etiam postquam tam accuratum ejus examen instituisse me viderunt: quamobrem si per mercatores vestros qui in ultima illa Thule commercia exercent, frusta aliquot obtinere posses, utque ad me perferantur curare quo amicis gratificari possim facies mihi rem acceptissimam praetiumque persolvam cui jusseris.

1) En tête de la minute on trouve noté ce qui suit:




Effet de la Refraction observé. Par la lunette de 13 pieds couchée immobile dans la fenetre avec un sil au foier. Je regarday le clocher de Nootdorp, que ce fil couppoit selon qu'il est marquè icy, à diverses heures du jour.
Samedi 24 Jun. hora 1 p. merid. in linea 1.
Eod. hora 2 p. mer. in linea 2. Dimanche devant le Soleil levè en A. le Soleil a 7 ou 8 degr. sur l'horizon en 1. à 11½ en B. à 1½ heures en 2.

2) Dans la séance du 13 mai 1679 et suivantes.

[p. 490]

Newtoni librum cui titulus Philos.^ae Principia Mathematica non dubito quin videris, in quo obscuritas magna. Attamen multa acute inventa. Sed in hypothesibus comminiscendis videtur mihi nonnunquam nimis audax uti in appendice ad causas gravitatis non potui non advertere, cui sententiae meae nunquid accedas lubens intelligam. Scribes etiam si placet si quid apud vos novi in rebus philosophicis aut mathematicis prodierit^a) et Clarissimum Virum Socerum Tuum³⁾ plurimum meo nomine salutabis

Tibi addictissimus Chr. Hug.

12 Sept. 1690.

Clarissimo Eruditissimoque Viro

D. Olao Romero

Matheseos professori celeber^o Coppenhaghe.

a) Addidi de ijs quae in Gallia prodiisse et proditura scribit D. de la Hire, ut Cassini de Jovialibus itineraria observatorum &c.⁴⁾ [Christiaan Huygens].

4) Cette note se trouve en marge de la minute.

3) Erasmus Bartholinus; voir la Lettre N^o. 2103, note 1.

4) Cette note se trouve en marge de la minute.