No 2485.
P. van Gent à Christiaan Huygens.
11 septembre 1687.
La lettre se trouve à Leiden, coll. Huygens.
Elle fait suite au No. 2475.
Nobilissimo et Clarissimo viro D. Christiano Hugenio S.D. Pet. Gentius.
Tua interpellare rursum studia, tua me cogit petitio; utpote qui voluisti, ut si quae argumenti Mathematici inter D. Fatio et D. Tschirnh. occurrerent, nunciaremGa naar voetnoot1). Honestae petitioni hâc epistola morem gerere animus est. Quare quamGa naar voetnoot2) mecum communicavit et tibi descripsit amicus meus D. MakreelGa naar voetnoot3), qui eam à D. Tschirnh. acceperat, ad te mitto, quo quid jam tibi sit sentiendum penitius introspicere et accuratius judicare valeas, et ad me ut et ad D. Tschirnh. rescribas. Deferbuit, ut ipse testatur, animus D.ni Tschirnh. indicatque se ne hoc quidem lapsu offensum esse. Quâ de causa ipsi securè scribere poteris quid hac de controversia tibi sit animi, sed peto, si mihi hac in re gratificari aequum judices, ut Epistola ad D. Tschirnh. sit aperta, quo et eam perlegere et suam exinde mentem discam: praestiteris sane beneficium. Ego tum eam sigillo munitam una cum mea in Germaniam ablegabo. Convenit me ante aliquot septimanas D. prof. de Volder, sciscitans numne quicquam literarum à D. Tschirnh. receptum à me esset. Ego negavi, anne vero alius accepisset me nescire dixi. Inter colloquendum, hoc D. Tschirnh., si adesset, daret consilium, nimirum, ut Tractatum sive de rebus mathematicis sive philosophicis juxta suam methodum exararet, in quo, quid methodus sua efficere posset, demonstraret. Hanc, aiebat, veram esse rationem recuperandae famae jam vacillantis. Plura,
sed coram, indicabo. Nam proposui mihi te visere. Finiam ergo, postquam D. Joh. Makreel, egregium mathematicum, quique commercium Epistolarum habet cum D. Tschirnhausio,
Auteursrecht onbekend