Oeuvres complètes. Tome VII. Correspondance 1670-1675

N^o 1983.
M. Campani à Christiaan Huygens.
13 janvier 1674.

La lettre se trouve à Leiden, coll. Huygens.

Per Ill^ris et Clarissime Domine D. mi Colend^me.

Occasione, qua nudius tertius adij Domum D. Auzout, ipsum rogatum, ut sibi complaceret, librum tuum mihi legendum concedere per aliquot dies, quem, inaudieram, nuper editum de Horologio oscillatorio; ambo simul animadvertimus, quem, illum unicum sibi servatum, è tribvs a te ad eumdem missis, benignissime esse mihi inscriptum, ac liberalissimè à te dono missum: alterum verò suum (nescio quo fato circa propria nomina aequivocando) iam diù, tuo nomine con-

[p. 372]

signauerat Josepho Campano, fratri quidem meo, et de me valde benemerito; verumtamen ingratudinis vitio in me nimium laboranti. Ergo immortales tibi ago gratias Domine mi Hugeni, de tanto dono: precorque Deum, ut te semper bene fortunet de tam multis beneficijs orbi collatis per tua ingeniosissima inventa: Circa quae, si aliquando per otium licebit (continuo equidem premor diu, noctuque à gravi Animarum Cura, qua unius Parochiae Urbis fungor) aliàs tecum agam; ingenue tamen, et citra ullum Eminentissimi Ingenij tui praeiudicium: Cum Nobilissime Domine valere te, et perennare cupio.

Romae Idibus Januarij 1674.

PerIllustris et Clarissimae Dominationis Vestrae

Humillimus et Addictissimus famulus certissimus Mattheus Campanus Alimenius.

Per Ill.^ri Domino, et Clarissimo Viro Domino Christiano Hugenio Zulichemio Parisios.