Oeuvres complètes. Tome V. Correspondance 1664-1665

N^o 1342.
J. Schuler¹⁾ à Christiaan Huygens.
27 février 1665.

La lettre se trouve à Leiden, coll. Huygens.
Chr. Huygens y répondit par le No. 1369.

Amplissime, Nobilissime et Doctissime Vir.

Dum in Cometologia versor, et disquisitionem philosophicam²⁾ de Cometarum natura, luce, motu, alijsque eò pertinentibus instituo, communicavit mihi, Amicissimus noster Dominus Vlitius doctissimas tuas de Cometa iam nuper sub praecedentis anni finem et praesentis initium viso observationes³⁾. Quae usque adeò vehementer mihi placuere, ut easdem radiantis cuiusdam ornamenti instar meditationibus meis mox praelo subijciendis adiungere animus esset. Eo nempe consilio, ut inde obscurioribus meis laboribus saltem lucis aliquid accederet. Quia verò hic illic quaedam occurrebant, quae non absque figuris proponi poterant, cumque etiam aliorum τηρήσεις mihi communicatae essent licet imperfectiores, posteà ex ijs historicam hanc narrationem paulo contractius contexere visum fuit⁴⁾. Quum autem in ea nobilitatis tuae observationes imprimis, et ubique fere fuerim sequutus Te inscio eandem praelo subijcere nolui. Rogo ergo, Vir nobilissime, historicam hanc meam narrationem perlegere digneris, meque si alicubi erraverim, aut mentem tuam non recte expresserim, audacter monere, vel etiam

1) Johannes Schuler naquit à Bergen-op-Zoom en 1606 et mourut en 1676 à Breda, où il fut pasteur et professeur à l'Ecole Illustre.

2) Jo. Schuleri Cometologia, sive de Cometis Disquisitio philosophica cui subjicitur specialis cometae annis 1664, 1665 visi. Hagae Cometis 1665. in-4^o.

3) Voir la pièce N^o. 1302.

4) J. Schuler, Tractaet oft Ondersoekinge van de Cometen. 's Hage. 1665 in-4^o.

[p. 253]

ipsemet pro tuo arbitrio corrigere, addendo vel demendo quaecunque addenda vel demenda Nobilitas tua judicaverit. Quod si feceris summo me abs Te beneficio affectum putabo, meque semper quoad vivam agnoscam

Amplissime et Nobilissime Vir

Nobilissimo et amplissimo tuo nomini devinctissimum Joh. Schulerum.

Bredae 27 Februarii 1665.

Aan den Edelen Hoogh-geleerden Heere Mijn Heer Chr. Huygens residerende in S' Gravenhaghe.