Oeuvres complètes. Tome IV. Correspondance 1662-1663

N^o 1094.
Christiaan Huygens à N. Heinsius.
22 janvier 1663.

La lettre se trouve à Leiden, coll. Burmann.
Elle est la réponse aux Nos. 1075 et 1081.

Viro Illustri Nicolao Heinsio Chr. Hugenius S.D.

Hae quas cernis a Slusio ad te datas¹⁾, admonuere me officij; qui binis tuis jam ab aliquo tempore acceptis literis nimium diu respondere distuli, gratiasque agere de novis quae misisti phaenomenis. Primum horum pugnac navalis simulacrum erat, ad Orizondicum fretum in nubibus visum, mirandâ hercle specie, si modo ex fide tradita. Alterum illo etiam mirabilius, sed quod non jam ad metcora sed ad spectra referendum, praelium umbratile scilicet haud longe Upsalia commissum. Haec vero neque credibilia mihi videntur, fateor, etiamsi jurati testes adsirment,

1) Consultez la Lettre N^o. 1091.

[p. 300]

neque omnino ad argumentum faciunt quod suscepi pertractandum, cum nihil nisi pareliorum causas circulorumque persequar qui cum illis apparere solent. Itaque de genere horum si quid sorte illic ad te deferetur, beabis me si participem feceris ut jam fecisti aliquoties; de alijs vero non est quod mea causa inquiras. quod certe jam pridem admonuisse debueram, sed scire te credidi. Apollonium jam diu est quod et ego ab Elzevirio accepi²⁾ donum Serenissimi Principis Leopoldi scilicet, cui et per epistolam gratias egi³⁾. Jam vero a longo tempore nihil illinc literarum remissum est, credo quod gravioribus curis cura studiorum sit interpellata.

De Hevelij nuptijs⁴⁾ quod scribis ex alijs quoque intellexeram, qui si Uraniae suae amoribus in posterum contentus vixisset, fortasse non sibi minus recte quam studijs suis consuluisset. Briennij Comitis versus et prosam legi quibus pinacothecae suae tabellas elegantissime descripsit. Quid vero carminis ad te dederit⁵⁾ quidve tu ad illum, nolo nunc sciscitari, quia brevi omnia Parisijs videbo. Illuc enim pater meus me vocat, fratre Ludovico ad negotia quaedam domum dimisso. Si qua in re, dum in ea urbe ago, opera mea uti volueris, scito id mihi fore gratissimum, et Vale.

Dabam Hagae Comitis 22 Januarii 1663.

Myn Heer

Myn Heer Nicolaus Heinsius

Resident van wegen haer Hoog Mogenden

Tot

Stocholm.

2) Consultez la Lettre N^o. 1029.

3) Cette lettre de remercîment de Chr. Huygens au prince Leopoldo de Medicis ne s'est pas trouvée dans nos collections.

4) Consultez la Lettre N^o. 1081, note 9.

5) Voir la Lettre N^o. 1081, note 5.