Oeuvres complètes. Tome III. Correspondance 1660-1661

[p. 451]

Supplément.

[p. 453]

N^o 4^a.
H. Bruno à Constantyn et Christiaan Huygens.
12 mai 1645.

La pièce se trouve à Paris, Bibliothèque Nationale.

Ad nobilissimos ornatissimosque fratres Constantinum et Christianum Hugenios, Leidam studiorum gratia profecturos.
Προτροπὴ.

Hugenidae fratres, animi quos patrius ardor

Impulit egregias semper inire vias,

De quibus et geminum spondet sibi patria patrem,

Speque novâ solis praecipit Haga duos:

Itis, io, Batauas, geminum decus, itis Athenas;

Nec satis est geminum vos decus esse domi.

Ite viri, nondum juvenes aetatibus ambo,

Maturis dudum mentibus ite viri.

Ite duplex consummati genitoris imago:

Semidei, si non numine, ite genus.

Occupat adventum votis Academia vestrum,

Omnis et e portis obvia Leida ruit.

Ipsi venturis ardent occurrere muri,

Et Themis et Themidos vos vocat ipse locus.

Ipsa puellares pandens Astraea lacertos,

Virgo brevi vobis vivere nupta cupit.

Utque pater Rhenus multo vos¹⁾ amore salutet,

Convolvit totas officiosus aquas.

Utque mora impatiens vos hinc trahat ipsa morantes,

Prolixas vellet Pallas habere manus.

Ite, quid ingentes ultra differtis honores,

Quos nisi ferre juvat, quid meruisse juvat?

Ite, sequor, calido lectissima corcula, voto,

Vos voto faciles, oro, favete meo.

1) Probablement Bruno a voulu écrire:
Utque pater multo vos Rhenus amore salutet.

[p. 454]

 

Anticipate citis successibus omnia nostra

 

Semper et applausus praecipitate meos.

 

Sic potero vobis sine vivere; laetus utrique

 

Sic illud potero dicere triste Vale!

 

Sic modo tam doctos omnis mirabitur aetas,

 

Discipulos credet nulla fuisse meos.

Scribebam Hagae Comitis IV Idus Majas ciɔiɔcxlv.

Vester totus Henricus Bruno.