La pièce se trouve à Leiden, coll. HuygensGa naar voetnoot2).
Operatio eadem cum sequente Kircheri.
Collige semen coelo sereno bene maturum, cujus vegetabile habere cupis. Contere hoc semen in mortario vitreo, imponeque cucurbitae bene purgatae, longitudinem viri habente, juxta magnitudinem plantae, quam in ea generare expetis, cujus orificium latum sit pollice ut hermetice signari poterit.
His praemissis vitrum repone ad locum separatum bene firmatum ne evaporet; interim adverte quo vespere caelum sit valde serenum, ut judicare possis de rore copiose ista nocte lapsuro. quod si animadvertes aperi cucurbitam semenque contritum impone tabulae vitreae eamque pone in prato vel horto sub dio. Nota quod tabula haec vitrea immittenda sit in patinam, nequid effundas, et ita ros ille cadet supra semen, idque humefacit, eique suam naturam participat.
Interim et lintea bene lota extendantur, ut et in ijs ros colligatur, ut accipias 6 roris mensuras; humectatum semen ante solis exortum reponas ad priorem locum beneque firmetur.
Collectus interea ros bene filtretur, rectificetur, ut faeces separentur, faeces calcinentur, et sal extrahatur, hicque sal in rectificato rore dissolvatur.
Hunc rorem sale suo impregnatum infunde super semen stratum ad eminentiam 3 digitorum; sigilles postea hermetice cum pulvere vitri et borace, sepelianturque in loco tepido, vel fimo equino per 14 dies. Eritque mutatum in gelatinam, spiritusque instar pellis supernatabit. Postea impone ad locum aliquem ubi per diem sol, per noctem luna et stellae radios communicare possint. Tempore autem pluvioso reponatur ad locum aliquem tepidum vel hypocaustum usque dum sequentia se prodant signa. Materiam in fundo stantem distilles
autem indies deficit ita ut reddatur instar terrae exsiccatae, paulatim exsurgit planta instar telarum araneae, quae tamen evanescit subito, donec cinericum colorem induat, ex qua tandem terra exurgit planta cum flore ad naturalem optime accedens, quae tam diu germinat quam diu in loco subcalido tenetur, quoties autem amovetur, deflorescit et corruit. Quam si iterum germinare cupias, repone ad locum priorem mediocriter calidum.
Auteursrecht onbekend