Oeuvres complètes. Tome III. Correspondance 1660-1661

N^o 938.
G. Schott à [Christiaan Huygens].
28 décembre 1661.

La lettre se trouve à Leiden, coll. Huygens.

Nobilissime atque Amplissime Domine.

Duplici, eoque ingenti gaudio me affecit Nobilissima Dominatio Vestra suis ultimis Hagâ Comitis 24. Nouembris datis¹⁾, et ante biduum mihi redditis, et quòd recuperatam valetudinem suam denuntiauit, et quòd desideratissima Experimenta²⁾ Illustrissimi Domini Boyles communicauit. Pro utroque ingentes ago Deo gratias, pro ultimo etiam Nobilissimae Dominationi Vestrae. Vtinam par aliquid referri queam. Extat huius beneficij memoria in Physica mea Curiosa³⁾, (quae praelum iam eluctata est, sed ante Paschales nundinas Fracofurtenses lucem non videbit.) extabitque in alijs secuturis Opusculis. Viri Illustrissimi Humanitas quam suo in Libello prodit, sinceritasque, et exactissima diligentia, cum rara doctrina, pellexerunt me ut in eius amicitiam me insinuare (importune fortassis) audeam: at quoniam alia via non se offert, qua id praestem, rogo enixè ut Suam ea in re operam mihi locare non dedignetur, inclusasque commodâ aliquâ occasione ad Ipsum destinet.

1) Nous n'avons pas trouvé cette lettre dans nos collections.

2) Voir l'ouvrage cité dans la Lettre N^o. 916, note 5.

3) P. Gasparis Schotti Regiscuriani e Societate Jesu, olim in Panormitano Siciliae, nunc in Herbipolitano Franconiae Gymnasio ejusdem Societatis Jesu Matheseos Professoris, Physica Curiosa, sive Mirabilia Naturae et Artis Libris XII comprehensa, quibus pleraque, quae de Angelis, Daemonibus, Hominibus, Spectris, Energumenis, Monstris, Portentis, Animalibus, Meteoris, &c., rara, arcana, curiosaque circumferuntur, ad Veritatis trutinam expenduntur, variis ex Historia ac Philosophia petitis disquisitionibus excutiuntur, &c. innumeris exemplis illustrantur. Ad Serenissimum ac potentissimum Principem Carolum S.R.I. Electorem, &c. Cum figuris aeri incisis, et Privilegio. Herbipoli, Sumptibus Joh. Andreae Endteri per Jobum Hertz. 1662. II Vol. in-4^o.

[p. 433]

Ad Geometrica quod attinet, habeo in quibus olim iuuenis me exercui, sed admodum exilia, quae proinde mittere non audeo. Eorum loco mitto inclusum Problema, aliâ, si placet, viâ soluendum⁴⁾.

Est hîc qui ex ultimis nundinis Francofurtensibus huc attulit quinque Tractatus, recentissimos Venetijs editos praeterito anno, Auctore Stephano de Angelis Veneto⁵⁾. Continet Opuscula Geometrica de Infinitorum Spiralium Spatiorum mensura⁶⁾; de Infinitis parabolis, et solidis, ex varijs rotationibus ipsarum genitis. Miscellaneum Geometricum in 4. partes diuisum; Miscellaneum hyperbolicum et parabolicum; et Problemata Geometrica sexaginta. Item Elementa Geometriae Speciosae⁷⁾, et Geometriam Speciosam⁸⁾, Auctore Petro Mengoli⁹⁾, Bosco. Tractatus sunt merè Geometrici, sed excessiui pretij, meo quidem iudicio; minori enim quàm quinque Imperialium (Reichsthaler) vendere non vult. Puto Francofurti posse haberi meliori pretio. Ex ijs propono interim quae sequuntur.

Coni habent inter se proportionem compositam ex proportione basium, et altitudinum.

Conus ad sphaeram habet proportionem compositam ex proportione altitudinis coni ad semidiametrum sphaerae, et ex proportioni quadrati radij basis coni ad quadratum diametri sphaerae.

Sit recta AB, secta bifariam in C, et non bifariam in D. Dico quadratum AD maius esse quam sesquitertium¹⁰⁾ duorum mediangulorum ADC, ACD¹¹⁾.

Datam AB, sectam bifariam in C, rursus secare in D, inter CB, ut quadratum AD, ad duo rectangula ACD, ADC, sit in data proportione.

4) Voir l'Appendice N^o. 939.

5) Voir la Lettre N^o. 732, note 13.

6) Schott parle ici des ouvrages décrits dans la Lettre N^o. 732, et du suivant:
De infinitorum spiralium spatiorum mensura opusculum geometricum. Venetiis. La Nou. 1660 in-4^o.

7) Geometriae Speciosae Elementa. Primum de potestatibus a radice binomia et residua. Secundum de innumerabilibus numerosis progressionibus. Tertium de quasi proportionibus. Quartum de rationibus logarithmicis. Quintum de propriis rationum logarithmis. Sextum de innumerabilibus quadraturis. Auct. P. Mengoli. Bononiae. Typis Jo. Bapt. Ferronij. 1659. in-4^o.

8) Peut-être l'ouvrage suivant:
Via Regia ad Mathematicas per Arithmeticam, Algebram Speciosam & Planimetriam. Auct. P. Mengoli. Bononiae. Typis haeredum Victorij Benatij. mdc.lv. in-4^o.

9) Pietro Mengoli naquit en 1625 à Bologne, où il mourut le 7 juin 1686. Après ses études, il embrassa l'état ecclésiastique; en 1660 il devint prieur de St. Maria-Magdalena in Via San Donato à Bologne et enseigna la mécanique au Collège des Nobles. Il eut des disputes avec Domenico Cassini.

10) C'est-à-dire: quatre troisièmes.

11) Cette expression désigne les rectangles AD × DC et AC × CD.

[p. 434]

Datis duobus semicirculis extra se positis, nec se contingentibus, quorum diametri sint sibi in directum, reperire in linea intermedia inter duos semicirculos punctum, à quo ductis tangentibus semicirculos, et à punctis contactus ductis sinibus rectis, abscindant isti sinus versos in data proportione.

Datis duabus rectis lineis, unam illarum taliter producere, ut quadratum compositae ex data et producta, unà cum quadrato productae, sit ad quadratum alterius lineae datae in data proportione.

Datam rectam lineam taliter secare in puncto, ut quadratum totius, ad rectangulum sub tota, et sub uno segmento, cum quadrato eiusdem segmenti, sit in data proportione.

Haec si placent, mittam alia, aut faciam ut libri ipsi mittantur Francofurtum, si fortassis ibidem non reperirientur ampliùs. Spero Clarissimum Dominum Deusingium¹²⁾ accepisse meas, quas per Nobilissimam Amplitudinem Vestram transmisi¹³⁾; quam interim divinae protectioni commendo.

Herbipoli 28/18 Decembris 1661.

Nobilitatis et Amplissimae Dominationis Vestrae Addictissimus Casparus Schott. S.I.

12) Antonius Deusing, fils du militaire Johann Otto Deusing et d'Agneta Vermeren, naquit le 16 octobre 1612 à Meurs et mourut le 30 janvier 1666 à Groningue. Il épousa en 1640 Sophia van Oosterwyck, puis Magdalena Modesta Scheidmans. D'abord professeur de mathématiques à Meurs, ensuite médecin à Leiden, il devint en 1639 professeur de mathématiques et de physique à Harderwijk et Archiater de la province; en 1642 professeur de médecine. Appelé en 1646 à la chaire de médecine à Groningue, il fut nommé médecin du Stadhouder Willem Frederik. Il était médecin renommé et très-savant dans les langues orientales; il eut des polémiques avec Cloppenburgh et Franciscus Sylvius.

13) Nous n'avons pas trouvé cette lettre antérieure de G. Schott à Chr Huygens.