Oeuvres complètes. Tome III. Correspondance 1660-1661

N^o 917.
J. Hevelius à Christiaan Huygens.
9 novembre 1661.

La lettre se trouve à Leiden, coll. Huygens.
Chr. Huygens y répondit par le No. 921.

Nobilissimo ac Clarissimo Viro Domino Christiano Hugenio Johannes Hevelius S.

Responsum ad meas 21 Septembris datas¹⁾, nec non ipsam ♀ in ☉ adeò spontè mihi promissam²⁾ observationem, hucusque quidem avidissimè exspectavi, sed frustrà. Quare hàc schedulâ Te denuò compellare, ac rogare volui, ut primo Tabellario, tribus tantum significes, quid hâc in parte decreveris, an observatio illa adhuc exspectanda, nec ne? Siquidem typographus urget Mercurij nostri impressionem; nec profectò, res diutius procrastinari poterit.

1) Voir la Lettre N^o. 892.

2) Consultez la Lettre N^o. 885, note 6.

[p. 386]

Dominum Bullialdum amicum nostrum communem, qui sine dubio Hagam Comitis iam prospere redijt, meo nomine, plurimùm salvebis, eique significabis, me brevi, ad ternas suas mihi longè gratissimas, responsurum.

Vale, et porrò, quod facis, nos ama.

Dantisci Anno 1661 die 9 Novembris.

Nobilissimo ac Clarissimo Viro Domino Christiano Hugenio amico honorando Hagam Comitis.