Oeuvres complètes. Tome III. Correspondance 1660-1661

N^o 892.
J. Hevelius à Christiaan Huygens.
21 septembre 1661.

La lettre se trouve à Leiden, coll. Huygens.
Elle est la réponse au No. 885. Chr. Huygens y répondit le 21 Novembre 1661.

Nobilissimo ac Clarissimo Viro, Domino Christiano Hugenio Johannes Hevelius S.P.D.

Gratias habeo debitas, quod adeò varijs iucundissimis rebus me beare non nolueris; inprimis verò magnoperè nobis gratulor, observationem coniunctionis ♀ et ☉ Tibi esse concreditam Jeremiae Horroxij; quam si mihi transmittere velis, utique lubentissimè eam simul cum meê observatione ☿ quantocyus publici faciam iuris. Quapropter rogo Te etiam atque etiam, ut primâ quâque occasione istam-mihi transmittas: mea enim propediem praelo committenda est. A Clarissimo Patre Ricciolo iam pridem nil literarum obtinui, quo factum sit, sanè, ignoro. Laetor Anglos tandem perfecisse globum illum Lunarem, quem in meâ Selenographiâ satis

[p. 335]

clarè, ut opinor descripseram; profectò, mihi tantum otij non superfuit, à reliquis meis gravioribus negotijs, ut eundem ipsemet. construxissem. Si quis venalis sit pro mediocri pretio, quaeso exemplar mihi procures rogo, pecuniam lubens reddam: flagro enim videre, quâ ratione omnia adornaverint, num nomina nostra, an vero Riccioli Maculis imposuerint?¹⁾

Observationem meam Pareliorum, quamprimum aeri insculpta fuerit, unà cum fusiori, et pleniori descriptione lubens transmittam: arcus isti inversi, qui irides circumsolares contingebant, omninò sectiones circuli retulerunt: quemadmodum ipse clariùs ex schemate percipies. Dominus Bullialdus noster qui 23 Augusti ex Poloniâ Dantiscum redijt, die 12 Septembris hinc iterum Berlinam profectus est, intra Mensem ut spero ad vos rediturus est: citiùs enim fieri haud poterit. Proposuit namque iter per Wittebergam, Dresdam, Lipsiam, Francofurtum et Coloniam instituere; faxit Omnipotens ut quàm felicissimè istud conficiat. quanquam optassem ut eius suavissimaâ conversatione diutiùs frui licuisset, nihil, crede, accidisset gratius. Vale Vir Nobilissime. Dabam Dantisci Anno 1661, die 21 Septembris.

Nobilissimo ac Clarissimo Viro, Domino Christiano Hugenio, amico plurimum honorando Hagae Comitis.

1) Nous avons vu déjà dans la Lettre N^o. 27^a (de l'Appendice au Volume II) comment un nom (celui de Constantyn Huygens), que van Langeren avait donné à une des taches lunaires, avait été changé par Riccioli dans son Almagestum.