Oeuvres complètes. Tome II. Correspondance 1657-1659

N^o 508.
Christiaan Huygens à [A. Boddens].
17 août 1658.

La minute et la copie se trouvent à Leiden, coll. Huygens
La lettre est la réponse au No. 504.

Juvenis Ornatissime

Quod ad humanissimas tuas literas hactenus non responderim non alia causa est quam quod adscribere in ijsdem neglexeris quo loco in tam vasta urbe habites, neque enim dubitabam quin et epistola si quam ad te dedissem et argentum simul mihi periturum esset. Verum cum diutius in aere tuo esse nollem, visum est tandem Clarissimo Domino de Bie (quem tibi non ignotum esse scio neque te illi,) hasce committere quas tibi tradendas curet¹⁾. Ecce itaque praetium quod pro Ephemeridum

1) Voir la Lettre N^o. 507.

[p. 206]

volumine numerasti lubens restituo et persoluto licet pecuniario debito plurimum insuper ob diligenter navatam operam tibi me obstrictum profiteor. Quod de libellis nostris quaeris, neque tanti sunt ij quos vidisti ut aliorum tibi desiderium parere debeant, neque sanè quidquam postea typis edidi, nisi de Ratiocinijs aleae quaedam²⁾ quae ad calcem operum Fr. Schotenij adjecta sunt. Itemque epistolam ad Xaverium Ainscom³⁾ quâ respondi ad ea quibus ἐξέτασιν meam refutare conatus erat. quam tamen epistolam frustra legas nisi et illius librum videris. Vale.

Tibi ad omnia officia paratissimus Chr. Huijgens de Zul.

Dabam Hagae Comitis 17 Aug. 1658.

2) L'ouvrage cité dans la note 1 de la Lettre N^o. 409.

3) C'est la Lettre N^o. 338.