Oeuvres complètes. Tome II. Correspondance 1657-1659

[p. 203]

N^o 505.
H. Bruno à Christiaan Huygens.
1 août 1658.

La lettre se trouve à Leiden, coll. Huygens
Chr. Huygens y répondit par le No. 506.

Christiano Hugenio meo.

Nobilissime atque incomparabilis Domine,

Quem jure optimo, maximo, uno omnes ore saeculi nostri
Archimedem, cui vel ipse Marcellus assurgat, salutamus;

Cum post operarum, more suo diem ex die ducentium procrastinationem bene longam praelo tandem subjectus sit meus, non inventus, repertus Iobus¹⁾ et ex tenebris ac fimeto erutus, ringente licet Diabolo, Lucem, Deo volente brevi sit visurus, et vivus, (an redivivus?) per ora virûm, si quid auguror, volitaturus, cum amicitiae ac amori pristino, mihi nunquam non perspecto probatoque litaveris, tum famae atque existimationi Brunonianae plurimum consules, si Perillustri Parenti tuo, Apollini omnium publici, quantum est, pöetarum, meo autem privatim etiam Maecenati, aurem de Epigrammate promisso operique praefigendo vellere digneris, Proverbia regum, imò hominum sapientissimi, et Ecclesiasten²⁾, non viles profectó mantissas, si authorem ac materiam potius quàm me carmine vernaculo reddentem spectes, addam patientissimo mortalium. Cantici insuper ac Threnorium³⁾ iterabitur editio⁴⁾, atque ita uno omnia isthaec volumine, in octavo, forma portabili conjungentur. Si quid itaque vel in opus universum, vel in singulas ejus partes seorsim, meditari placuerit, tam perpetuum gratiae debendae reum, quàm referendae imparem semper me perillustris Parens sit habiturus. Is autem, ut aurem iterum vellat Cyriaco Lentulo, quem Metellum Celerem experiri malim, Illustri amplissimoque Buseroïo⁵⁾, quò tandem aliquando ad me transvolet tanto petitus ambitu, tanto datus aureus in numismate Auriacus, per genium Hugenianum, per Brunonianum, per communia Musarum sacra rogo quaesoque. gratias coram, Deo volente, pro-

1) H. Bruno parle ici de sa version poétique:
Het Boek Jobs, den Prediker, Spreucken en Hooghe Liedt Salomons, midtsgaeders de Klaegliederen Jeremiae. Door H. Bruno. Hoorn. 1659. in-8^o.

2) Les Proverbes et l'Ecclésiaste forment les 2e et 3e parties de l'ouvrage de la note 1.

3) Bruno désigne les Threni, Lamentations de Jérémie. Celles-ci avec le Cantique des cantiques forment les 5e et 4e parties de l'ouvrage cité.

4) Nous n'avons rencontré aucune mention d'une édition antérieure de l'ouvrage:
Het Hooghe Liedt Salomons, midtsgaeders de Klaegliederen Jeremiae. Door H. Bruno.

5) Voir la Lettre N^o. 97

[p. 204]

lixissimas acturus, et quid quantumque in ingentis Pöetae ingenti carminum volumine perlustrando erratisque tijpographicis colligendis praestiterim, ostensurus, ubi adulto mense septembri per ferias autumnales advolavero. Ita vale.

Tuus ex asse Henricus Bruno.

Hornae ipsis Calendis sextil. ciɔiɔclviii.