Oeuvres complètes. Tome I. Correspondance 1638-1656

N^o 277.
J. Wallis à Christiaan Huygens.
1 avril 1656.

La lettre se trouve à Leiden, coll. Huygens.
Elle est la réponse au No. 272.

Oxoniae. Martij 22. 1656. stilo Juliano.

Accepi nudius tertius, Clarissime Vir, literas tuas, Hagae Comitis datas Martii 15 stilo novo et gratulor tibi visa tua. Ne autem te solum ea vidisse putes, faciet (credo)



^a) quod sic exponas licet; Saturni Comes quasi lunando vehitur. Diebus sexdecim circuitu rotatur. Novas nuper Saturni formas Telescopo vidimus primitus. Plura speramus. Ad plenum vero Saturni phasium systema rectius colligendum, faciet fortasse tuarum cum nostris jam inde ab anno 1649 praestitis observationum collatio. Quod autem ad phasin Saturni mox exspectandum attinet; an hac forma quam tua videtur indicare pagina, an hac potius conspiciendus erit, eventus brevi indicabit; ad quam tamen, ex forma rotunda, sensim perveniat necesse est. Libros quod attinet, cum ultimis meis literis ad te missos, me male habet eos tardius ad te fuisse delatos, nec tibi cum literis ut oportuit traditos. Quos spero tamen te jam antehac

a) Prolixum hoc anagramma commentus erat Wallisius, ut postquam meum exposuissem, eundem sensum ex suo illo elicere posset. Sed fraudem istam viri alij ingenui, ex Societate Regia, inter quos Moraius, mihi fassi sunt, jam ante suspectam. [Chr. Huygens.]

[p. 397]

accepisse. Quippe cujus curae a me mandati Bibliopola noster¹⁾, se a Domino Pulleyn²⁾ Bibliopola Londinensi certò accepisse ait, tum literas tum libros ab illo missos fuisse tibi tradendos; nec dubitare se quin ad te tutò perventuri fuerint. Fieri autem posse arbitror, ut libri illi, cum majori suorum sarcina missi, tardius aliquanto quam literae adveniant. Monendum tamen Dominum Pullenium curabo, ut sicubi adhuc lateant, repetitis literis tradendos curet. Vale, Vir Clarissime, et amare pergas

Tui observantissimum

Johannem Wallis.

Clarissimo Doctissimoque Viro Domino Christiano Hugenio, etc. Constantini filio, tradantur

Hagae-Comitis.

1) Thomas Robinson était alors le Academical publisher de l'Université d'Oxford.

2) Octavian Pulleyn, libraire, vivait à Londres dans St Paul's churchyard.
Vingt ans plus tard, on trouve un autre libraire, portant le nom de Octavian Pulleyn jr.