Oeuvres complètes. Tome I. Correspondance 1638-1656

N^o 218.
A. Colvius à Christiaan Huygens.
23 mars 1655.

La lettre se trouve à Leiden, coll. Huygens.
Elle est la réponse au No. 217.

Nobilissime Domine,

Vna cum microscopio accepi binos tuos tractatus mathematicos de Circuli magnitudine et ejus quadratura. prius oculis inspexi illudque mira et stupenda magnitu-

[p. 323]

dine arenulas nobis ostendit. Revera illud Plinij dictum: Natura nusquam magis tota quam in minimis, et in omnibus propemodum fidem superat. quis veterum vidit quae nos videmus. quis antiquorum Philosophorum in arcana naturae oculis corporis et mentis sic penetravit ut hujus saeculi sapientes? Jnter quos tu, Vir Praestantissime, merito haberis, et quem etiam, si fata supersint, posteritas admirabitur. Caeterum gratias tibi debeo ingentes pro dono praestantissimo: quod erit quasi anima et oculus musaei mei. Avidé expectabo Jllustrissimum Dominum Legatum Galliae¹⁾; ut post ipsius aspectum accedat aliquid ad Muselioli mei pretium. Kalthovius noster post festum Paschatis sperat Hagam excurrere, tui praesertim caussa. ut videat et audiat, quae ipse magnus artifex ignorat.

Mitto Galilaei tractatum, sed condonabis quod nec nitide scriptum sit, multisque erratis inspersum. Addidi etiam aliud manuscriptum ejusdem Galilaei, quod in compacto hoc libro circa finem invenies.

Deus, pater omnium scientiarum, summum illud tuum ingenium foveat lumine suo, ut serus coelum, quod nunc telescopijs vides, adeas. Summo parenti tuo, et meo et Domini Vivienni²⁾ nomine, salutem imperties.

Tuus omni officio et obsequio

Andreas Colvius.

Dordrechti 9 Kal. Apr. 1655.

Mijn Heer, Mijn Heer Christiaen Hugens, ten huijse van d'Ed. Heer van Zulichom

s' Graven-hage.

met een pacxken.

1) Il s'agit ici de Pierre de Chanut (voir la Lettre N^o. 217).

2) Nicolaas Vivien, fils de Anthony Vivien, Seigneur de Bovignes, et de Anthonia van den Cornput, naquit à Dordrecht en 1631. Il devint pensionnaire de Dordrecht en 1664 et était ami intime de Johan de Witt, son cousin.