Oeuvres complètes. Tome I. Correspondance 1638-1656

N^o 129.
Christiaan Huygens à Fr. van Schooten.
13 août 1652.

La lettre se trouve à Leiden, coll. Huygens.
Elle est la réponse au No. 128.

Christ. Hugenius Fr. Schotenio Viro Clarissimo S.D.

Pro perlecto libro tuo gratiam habeo; etenim plurimam voluptatem coepi ex demonstrationibus istis quibus nihil est acutius neque elegantius. Hae autem ut citò non conscribuntur, ita ne leguntur quidem nisi lentè et circumspectè, quod unum me absolvere posset si de mora criminari velles. Et tamen multò ante tua tibi remisissem, si licuisset esse diligentiori. Vexat me nimirum capitis dolor, non continuus quidem, sed tum maximè importune adveniens, cum primum intentius quid agere cepi, praecipuè si quid id est Geometricae rei: adeo ut nisi molestiam hanc voluptas animi compensaret, propemodum semper isto studiorum genere abstinere cogerer. Tibi gratulor quem talia non interpellant quo fit ut horas tuas omnes utiliter collocare possis. Optimè de nostratibus Geometris merebere, si quam primum problemata

[p. 185]

[tua]¹⁾ typis vulgari permiseris. habebunt enim jam quae post Euc [lidis]¹⁾ libros legant atque aemulentur, ut rectè rationem inijsti, namque adhuc usque nihil admodum vernaculo sermone conscriptum fuit, quod veterum subtilitatem redoleret. Si tibi adessem sunt quae super hisce Apollonij libris interrogare vellem; Quomodo ille non nisi centum et 47 theorematibus complecti ista potuerit, quae tu tam breviter omnia demonstrata dedisti? quae fuerit ipsi proposita demonstrandi ratio? an omnes omninò casus fuerit prosecutus? an illud quoque ostenderit semper, extra locum punctum alibi esse non posse? atque hisce similia, quae te non fugere existimo, postquam materiam illam omnem ita pervidisti. Notas meas etsi paucissimae sunt, tamen et has, ubi tibi videbitur, panis recens absterget. Vale.

13 Aug. 1652.

1) La lettre est déchirée en cet endroit.

1) La lettre est déchirée en cet endroit.