Oeuvres complètes. Tome I. Correspondance 1638-1656

N^o 103.
Christiaan Huygens à Fr. van Schooten.
11 novembre 1651.

La lettre se trouve à Leiden, coll. Huygens.
Fr. van Schooten y répondit par le No. 104.

Christ. Hugenius Clarissimo viro Domino Francisco Schotenio S.D.

Figuras eas quas Sichemio¹⁾ faciendas locavi quotidiè nunc expecto, cumque advenerint festinabo ut gemini tractatus mei praelo committantur. Alterum nuper legisti, proque ea lectione gratias tibi semper debebo. Alterum nunc mitto leviter tibi, si placet, percurrendum, maximè ut judices de argumentis meis, num quid à peritis ea satis intellectum iri credas. Mihi quidem nihil nunc est manifestius, neque magis dubito errasse in quadratura sua Patrem Gregorium, quam de ulla propositione Elementorum Euclidis dubitare queam. Postquam theoremata mea nonnulla ad ipsum perscripsissem eorum quae ad liquido supernatantia spectant, visus mihi est humanius rescripsisse, quam primis literis fecerat; videbimus autem quid ipsi animi futurum sit ubi refutationem suorum inventorum perlegerit. Neminem credo melius eam percepturum, (neque hoc mirandum esset) adeo ut sperem atque omnino existimem nihil ipsum repositurum. Nihil tibi intellectu difficile occurret puto, quoniam jam pridem

1) Christoffel van Sichem, le jeune, naquit à Bâle en 1582 et mourut en juillet 1658 à Amsterdam. Il était graveur, comme son père, et comme le fut également son fils, né à Amsterdam en mars 1618, où il mourut en octobre 1659. Ils avaient tous le même prénom, qui est aussi celui de quelques autres graveurs, appartenant à la même famille.

[p. 157]

scivisti quid ductus plani in planum significet. Proportionalitatum materiam devitavi quantum potui, quoniam obscuram disputationem nostram factura videbatur. atque hoc quoque conatus sum ut quam minimum fieri posset Opus Patris Gregorij inspicere opus foret. Tuum de omnibus judicium multum apud me ponderis habebit; cumque hanc mihi operam dederis, diu non ero molestus. Vale, et necessariam hanc importunitatem meam excusatam habe.

die 11 Nov. 1651.

Mijn Heer Mijn Heer Fr. van Schooten. Professor der Mathematijcken inde Universiteijt.

Jnde Heeresteegh

Tot

Franq.

Leyden.