Oeuvres complètes. Tome I. Correspondance 1638-1656

[p. 138]

N^o 91.
Fr. van Schooten à Christiaan Huygens.
26 février 1651.

La lettre se trouve à Leiden, coll. Huygens.

Nobilissime Domine S.D.

Euclidem, de quo mihi scribis, praesentem esse existimo, cum alium in catalogo, qui Graecè àc Latinè editus esset, reperire non potuerim. Si quidem hunc illum ipsum puto, de quo in Catalogo fit mentio pagina versâ librorum Mathematicorum, et qui a Dominatione Vestrâ expetatur. Enim enim in 4^to editum, ac anno 1625 Parisijs Graecè-Latinè impressum constat¹⁾, nec alium aliquem Claudij Hardij²⁾ operâ Euclidem editum novi. Eum igitur si visum fuerit, retinere tibi poteris, quandoquidem alium mihi facilè aliquando sum comparaturus. Gratulor intelligere, Dominationem Vestram in studijs nostris excolendis ac promovendis magis ac magis pergere, eamque illa magno semper affectu amplecti, ac summâ voluptate prosequi, quorum profectus, quibus omnes beare potes, indies à Vobis expectamus. Mitto duo exemplaria iam recens excusa, introductionis meae³⁾, quorum, tria chartâ maiori impressa, unum mihi servavi, ac alterum Tibi destinavi, tertiumque Domino Meibomio⁴⁾, ijs quippe, quos Geometriae Methodo Domini des Cartes excolendae omnino se addixisse, certò scio. Alterum igitur, si placet, reservare Tibi poteris, alterumque, si molestum non fuerit, ipso Meibomio mittere, unà cum salute meâ. Doleo, ob exemplarium penuriam, mihi concessam, me parciùs quàm optarem

1) Evclidis Data. Opvs ad vetervm Geometriae Autorum Archimedis, Appollonij, Pappi, Eutocij, caeterorumque non modo lectionem, sed ad Geometriae quoque Analyseos instaurationem planè necessarium, & à multis diu desideratum. Clavdivs Hardy Sebast. Fil. in supremâ Parisiensi Curiâ Aduocatus, è Regis Christianissimi Bibliothecâ Graecè nunc primùm edidit, Latinè vertit, scholijsque illustrauit. Adiectus est ex eadem Bibliothecâ Maxini Philosophi Commentarius Graecè & Latinè, quo Dati natura, Datorumque Euclideorum vtilitates explicantur. Lutetiae Parisiorum. Impensis Melchioris Mondiere, in insulae Palatinae vico Harlaeo, ad insigne Viperarum. Anno cIƆIƆcxxv. in-4^o.

2) Claude Hardy, né à Mans vers 1598, mourut à Paris le 5 avril 1678. Il était grand ami de des Cartes et de Mydorge: avec ce dernier il fut arbitre dans la polémique entre des Cartes et Fermat au sujet des: ‘De Maximis’ de celui-ci.

3) Francisci à Schooten Principia Matheseos Vniuersalis, sev Introductio ad Geometriae Methodum Renati Des Cartes, Edita ab Er. Bartholino, Casp. Fil. Lugd. Batav. Ex Officina Elseviriorum. cIƆ.IƆc.li. in-4^o.

4) Marcus Maybaum (Meibomius), né à Tönningen en 1630, mourut à Amsterdam en 1711. Il voyagea beaucoup, visita la cour de Christine, reine de Suède, Copenhague, Amsterdam et puis l'Angleterre. A Amsterdam en 1668 et 1669 il était professeur d'histoire et de philologie.

[p. 139]

ea impartiri; cum aliàs Parenti, ac Fratri vestro, mihi multum colendis, omnique observantiâ semper prosequendis, acceptae amicitiae ac benevolentiae gratitudinis ergo, exemplaria mittere non omisissem. Vale.

festinanter.

Vir eruditissime, Tui amantissimus et studiosissimus cultor Fr. à Schooten.

Leydae 26 Febr. 1651.

A Monsieur Monsieur, Christianus Huijgens, ten huijse van Mijn Heer, Mijn Heer van Zuylechem

port. met een packje. St. 3.

in S'Graven-Hage op t'plein.