Briefwisseling. Deel 5: 1649-1663

6029. Aan J. de Wicquefort⁵⁾.

En suite de vos ordres j'ay esté presenter la grande requeste de madame de Sommelsdyck au bon amy de Rambouillet⁶⁾, qui s'est volontiers chargé de continuer envers sa personne les services que de tout temps il avoit vouez à feu Monsieur son mari, nostre très-digne amy, dont la memoire souvent me faict fremir, quand je me represente que, si Dieu me faict la grace de reveoir la Haye, je n'y trouveroy à dire. Pour de la graine de melons⁷⁾, il en sera fourni vers le temps de la semaille, qui n'est pas encor bien proche, et je n'en negligeroy pas le soin. Ne vous mettez jamais en peine de m'avoir escrit ou non escrit. Ce n'est pas par où je mesure les amitiez que je me tien si asseurées que la vostre. Soyons nous ce que nous avons tousjours esté; des termes

5) Het Hs. bevindt zich in de collectie van den Heer A.J. Nijland te Utrecht. - De voorletter staat er niet bij, maar de brief is blijkbaar gericht aan Joachim de Wicquefort.

6) Zie blz. 375.

7) Zie t.a.p.

[p. 534]

plus scrupuleux gastent bonne besoigne. Il y a peu de jours que j'eus une audience comme publique du Roy, que je trouvoy moyen d'entretenir plus de trois quarts d'heure, ce qui ne se prattique pas d'ordinaire, aussi, peut-estre, ne reusciroit pas tousjours, ni à tous, si vous me permettez la vanité de vous donner à connoistre par là, qu'on ne me regarde pas de trop mauvais oeil. Cependant me voyci tousjours, à ce que dit vostre gazette d'Hollande, en attente de l'ambassadeur d'Angleterre. Il y a voirement d'autres dij e machina qui me font esperer ma delivrance, de laquelle j'ose bien vous promettre que je tascheray de venir à bout, soit par la porte ou par la fenestre. Je suis de tout mon coeur ..... A Paris, 16^e Febvr. 1663.

Agnoscit se Roma ream; miramur amici,
Cum cecinit Gallus, poenituisse Petrum¹⁾?

Estoffe d'Italie, façon de Paris, etc.

1) Dit zijn de twee laatste regels van een vierregelig versje In P.R. (vgl. Gedichten, VII, blz. 29), den 29^sten Januari geschreven. Het versje doelt op het optreden van Lodewijk, toen zijn gezant te Rome, de hertog de Créqui, ernstig was beleedigd.