Briefwisseling. Deel 5: 1649-1663

[p. 445]

5841. Aan M. le Tellier¹⁾. (H.A.)

Nos officiers d'Orange se plaignent à Mad. la Princesse Donariere que M. le commandant de Gaut s'oppose aux ordres que S.A. y a envoyez touchant le payement des deniers de la ferme, et en empesche jusques à l'intimation par des voyes rigoureuses. Qui estant chose, que je m'asseure, Monsieur, que vous sçavez estre fort esloignée des intentions du Roy, comme il a plû à S.M. de me faire l'honneur de me le dire il y a desjà quelque temps, je vous supplie tres-humblement de me vouloir gratifier d'un billet de vostre main, que je puisse envoyer audit S.^r commandant par l'ordinaire de demain, pour le faire desister de ceste sorte de procedez, et au reste, Monsieur, qu'il vous plaise considerer, combien est frivole la chicane dont on m'accroche presentement icy, n'y ayant ame vivante qui soit interessée en une contrainte dont il semble qu'on pretende vouloir oppresser S.A. mon Maistre, de qui j'ose dire que les ancestres n'ont pas merité de la France qu'il y fut traicté avec une rigueur dont on n'use pas à l'endroict du moindre gentilhomme subject du Roy, chascun faisant chez luy ce qu'il trouve à propos. J'espere que l'indisputable justice de la chose et mesmes mes importunitez vous porteront à me faire expedier, et de nouveau vous en supplic avec autant d'instance que j'ay de zele à vous tesmoigner par mes tres-humbles services que je suis ..... 15 Juin 1662.

1) No. 5841 a. In een brief van 19 Juni (H.A.) dringt hij aan op antwoord.