Briefwisseling. Deel 5: 1649-1663
(1916)–Constantijn Huygens–
Auteursrecht onbekend5756. J. SauzinGa naar voetnoot3). (H.A.)Satisfaisant maintenant aux ordres qu'il vous a pleu me donner de la part de Son Altesse Madame avec le respect que je doibs, j'envoye cy joinct l'estat de la despence de ceste principauté pour l'année 1661, que j'ay ceulli(?) tant sur les comptes ordinaires de Mons.r le tresaurier, que sur les mandats et ordonnances du Bureau, et autres actes sur lesquels les payements desdites despences sont d'ordinaire acquittés par ledit S.r tresaurier. J'y ay adjousté un estat par ordre de Monseigneur le Prince Frederic Henry, de haute et glorieuse memoire en l'année 1637, sur le suject desdites despences qui est le seul que j'ay treuve dans mes registres. Vous en userez, Monsieur, ainsi que treuverez à propos. J'ay heu l'honneur de vous dire par mes precedentes lettres, comme appres l'arrivée de vos ordres, en ayant donne cognoissance au Bureau, il fust deslibere que Monsieur le tresaurier rendroit incessamment son compte despuis le dernier qu'il a rendu devant le Parlement au mois de Juin dernier jusques a ce jourdhuy, pour que Son Altesse peut voir l'estat de la recepte des deniers provenus de la ferme et de l'emploi, en execution de quoy ayant remis sondit compte au Bureau et ladite audition commencee, elle auroit este arrestee par un article de 17567 ℔, 4 β, 10 d, que ledit S.r tresaurier demandoit pour despences de divers voyages qu'il dict d'avoir faict par ordre de S.A.R., et 2200 ℔, 2 β, VI d, pour interests de ladite somme qu'il dict avoir payes a un nomme Valerian duquel il faict entendre d'avoir faict cest emprumpt, revenant en tout a 19767 ℔, 6 β, 6 d, et appuye cest article sur une lettre de cachet qu'il dict avoir receu de S.A.R. portant approbation desdites voyages de ladite despence, et ordre au Bureau de la passer, dattee du 2e Aoust 1660. Or, Monsieur, ceste lettre ayant este veue par le Bureau et deubement examinee, a este treuvée quant a la forme qu'elle n'estoit pas comme il la falloit pour passer une si nottable somme, et quant a la matiere elle paroissoit avoir este un blanc seing rempli d'une main et d'encre differente a celle du secretaire de S.A.R., tellement, Monsieur, qu'ayant rejette cest article, appres que ledit Sieur tresaurier s'en est heu fort tremousse et a retire sondit compte, et cella est cause que nous n'avons pas peu achever de l'entendre, ayant este treuve a propos de ne l'en presser pas par des autres voyes pourGa naar voetnoot4) n'augmanter pas les grandes confusions dans lesquelles ce pauvre Estat est a present reduict. La mauvaise posture en laquelle nous voyons la ferme de S.A. estant | |
[pagina 392]
| |
abandonnee des fermiers despuis plus de trois mois, et les autres considerations inserees dans l'arrest cy joinct ont donne suject a Monsieur l'avocat general d'en faire des remonstrances sur lesquelles la Cour a este obligee d'y pourvoir par ledit arrest, affin de mettre en seurte les deniers de S.A. et d'esvitter que les fermiers estant remplumes n'abandonnent la ferme. Nos calamites deplorables, et les autres grands maux dont lesdits Sieurs advocat et tresaurier ont represente a la Cour et au Bureau que l'Estat, les droictz domaniaux et la souverainette estoyent menacez, ont oblige la Cour et le Bureau de desputter le Sieur de PorteclaireGa naar voetnoot1) qui est maintenant a Paris, pour aller soliciter S.M. B[ritannique] et S.A.M. de vouloir employer leurs soingz pour sa restaurationGa naar voetnoot2), sur quoy, Monsieur, je ne m'estendrai pas icy plus advant, d'autant que outtre que la Cour vous en escript particulierement, ledit Sieur de Porteclaire a ordre de vous communiquer touttes choses. On a commence despuis le 23 de ce mois de desmolir les fortifications de la ville et les fausses brayes basties despuis pleusieurs siecles, et on y travaille a grand force. Pour la fin, Monsieur, je prie Dieu de benir vos soingz et vos travaux, vous asseure de mes profonds respects et suis de tout mon coeur ..... D'Orange, ce 1er Febvrier 1661. |
|