Briefwisseling. Deel 5: 1649-1663

5285. J. Westerbaen⁴⁾. (L.B.).

Si me decempedâ humanitatis et amoris tui metiri paterer, assurgerem utique ad tam benignum de me judicium, quod priores tuae continent literae. Nunc, quia hoc meo soleo pede, colligo me intra testam meam et ad ὺπερβολὰς tuas nihil repono praeter pudorem et modestiam. Non eo tamen inficias plurimum me affici istis tuis literis dextramque illam avide amplecti, quam humi repenti porrigis, ad quam me erigo et, quod infantibus evenit, ad eam me stare proprijs viribus fere crediderim, nisi imbecillitatem meam nossem, non facile illam dimissurus,

Ne spissâ jaceam revolutus arenâ⁵⁾.

Eram nunc in tuis ἀκονίσμασι⁶⁾ - quorum aliquae in patrium mutavi sermonem⁷⁾, quod vereor ut satis succedat, quia Anglicae linguae sum imperitus - cum ad me veniunt aliae tuae literae cum divite penu et varia supellectile. Video hic

Inclusos utero Danaos, laetique cavo
Se robore promunt Tisandrus Stelenusque⁸⁾,

quos non attingo, antequam hunc, qui haec ad me defert, dimisi cum paucis hisce lineis, quem sine ijs dimittere nolui, neque longioribus morari audeo..... V Cal. April. (= 28 Maart) CIƆIƆCLIII.

4) Uitgegeven door J.A. Worp, t.a.p., blz. 239. - Zie No. 5283 en 5284.

5) Verg., Aen., V, vs. 336.

6) Huygens noemde zijne vertalingen uit het werkje van Quarles ἀποϰνίσματα (brokken).

7) Zie Westerbaen's vertaling van die Latijnsche versjes van Huygens in zijne Gedichten, 1657, I, blz. 553-570.

8) Verg., Aen., II, vs. 258, vlgg.