Briefwisseling. Deel 5: 1649-1663

5286. J. Westerbaen⁹⁾. (L.B.)

Perplacent mihi ista tua, quae de fuga classis Anglicanae et confectis jam lupis, τοὺς ἀγρίους, scripsisti¹⁰⁾; sunt illa vere tua et quae praeter te nemo possit, augusta, erecta, mascula et ab eo animo profecta, qui lupis confodiendis par sit; sunt et acria, acida, salsa, acuta et ignea. Sed quod piper, quod acetum, quod vitrioli alcool et quod chymicis est radicatum, quae muria suffe-

9) Uitgegeven door J.A. Worp, t.a.p., blz. 240. - Zie No. 5283-5285.

10) Zie Noot 2.

[p. 174]

cerit ad perfricandam cutem in corpore isto cacochymico, quod ϕλυϰτίδες et ἕρπης et dira impetigo totum obsedit, et quae, nisi curentur pulvere pyri[n]o et ferro, in ψώραν et lepram abeant? Et qua cuspide, quibus mucronibus, quibus cauterijs et candenti Hermeticorum¹⁾ Marte opus non est ad latrones et parricidas istos confodiendos, perdomandos et extirpandos. Ego, cum haec tua lego, ita accendor et erigor, ut jam de brutis Britannis triumphum canam, et facerent hoc mecum Batavi nostri, si illorum ijs copia fieret, patrioque sermone et Musis nostratibus ea reddere aut reddita velles²⁾, et applauderent assurgerentque tibi, quotquot patriam amant, et faverent lupis vapulantibus. Non unam tamen causam esse dicis, cur suppressa ista etiam nunc mavelis quam ut lucem adeant, et hoc serio te dicere me meminisse vis. Meminero, neque hoc fiet te inscio, nedum nolente. Non ausus etiam hoc fuissem in nuperis tuis epigrammatibus varij sermonis, nisi jam fuissent in multorum manibus excusa³⁾, et quibus nemo laedebatur. Caeterum gratias tibi ago, quod me munusculis illis poëticis et in tuo Parnasso natis beare dignatus es et variâ supellectile et clavecymbalo et effigie regia et, quae a portentosâ foemina est, Sphynge⁴⁾ domum meam adornas. Redibunt ad te apocnysmata tua, non ubi eorum me satietas caeperit - esset enim hoc ad Calendas, quod ajunt, Graecas - sed ubi ea descripsero et Belgicis versibus reddidero, quod utrumque partim feci, absoluturus ubi otium et animus scribendo et versificando erit. Est mihi nunc quotidie res cum Hortensio⁵⁾, non quidem illo, qui inter disertissimos Romuli nepotes numeratur⁶⁾, sed qui cum tuo Claudio de gente et arte suâ certet ..... III Cal. Aprilis (= 30 Maart) A^o CIƆIƆCLIII.

Vide hic, si tanti est, partem versuum, quos ad me miserunt Grotij, pater et filij, et quod ad illos reposui⁷⁾.

1) Hermetici = doctoren?

2) Zie blz. 173, Noot 2.

3) De Fortunata clades; zie blz. 164.

4) Nl. Huygens' verzen De clavecymbalo ...., In effigiem Reginae Sueciae en ‘Ilicet Hollandis juvat hoc incribere Fastis’ (Gedichten, V, blz. 40, 34, 35).

5) Blijkbaar Westerbaen's tuinbaas.

6) Quintus Hortensius, de beroemde redenaar uit Cicero's tijd.

7) Vgl. Westerbaen's Gedichten, 1657, I, blz. 442-445. De schrijver was Willem de Groot (1597-1662), de broeder van Hugo. Zij kenden elkander reeds in hun studententijd.