Briefwisseling. Deel 4: 1644-1649
(1915)–Constantijn Huygens–
[pagina 235]
| |
4165. Aan prinses Amalia van Oranje. (H.A.)*aant.En arrivant contre ce grand fossé de la contrescarpe, dont j'ay faict mention, l'on a observé - ce que d'autres avoyent desjà soustenu contre Perceval - que la digue à droicte passe tout au travers dudit fossé, parquoy c'est là où on travaille maintenant aveq le plus de vigneur, et le plus d'apparence de progrez, n'ayant à se rencontrer là que des petites traverses des assiegez, et une palissade, bien aysée à rompre, pour ainsy travailler dans la contrescarpe mesme. - Mais du costé de M. de Brederode dès hier la premiere galerie fut louée hierGa naar voetnoot1), à condition d'estre passée dans treize jours, dont le premier sera demain, et si à moitié du fossé les assiegez vienent à parler, les entrepreneurs ne lairront pas d'avoir le prix entier, qui est de quatorze mil florins, et de mil davantage ou de moins pour chasque jour qu'ils auront devancé, ou demeuré en arriere. Cependant dès hier nous avons joué de trois mortiers, et M. de Brederode d'un; d'où la nuict passé le feu se prist à la ville, et y cause un bruict pitoyable, mais, à ce qu'on veut dire, n'y a ruiné que deux maisons. Aujourdhuy nous adjousterons encor trois autres mortiers au reste, qui jetteront des tonnelets chargez de grenades à main, invention mise en oeuvre devant le fort de SchenckGa naar voetnoot2), et de furieuse execution. - Dans la ville il y a quelques harquebusiers bien ajustez qui emouchent tantost l'un, tantost l'autre aux approches, un entre autres, couvert d'une plume noire et blanche, qui y paroist souvent. On croid que c'est de luy mesme que l'aisné Monsieur de DonaGa naar voetnoot3) receut hier un coup au bras droict, qui est plustost d'honneur qu'autrement, ayant bien faict deux trous, mais ayant passé si peu profond soubs la peau, qu'il ne s'en fault rien qu'elle ne soit rompue, et la chose ne l'empesche pas de cheminer partout. Le capitaine Valerea n'en aura pas si bon marché. Hier au soir il receut son coup au dessus de l'oeil à la teste, et tost apres a demeuré sans cognoissance quoyque tousjours respirant, jusques ores. Ce gentilhomme de race italienne, mais des son enfance nourri en Angleterre, est extremement regretté de tous les gens de bien, et certainement a merité leur amour. On faict une espreuve de ce gallant ajusté aveq son harquebuse dans la ville, en l'amusant à des chapeaux elevez un peu dessus la trenchée, et s'est trouvé qu'une seconde bale a passé par le mesme trou où une premiere avoit sorti. M. de Beverweert s'est esgayé à ce petit passetemps. - Estant si proches les uns des autres, on s'entretient aussi fort de grenades à main. Perceval en receut une hier contre la cheville du pied, qui s'en assourdit, sans autre mal, mais la mesme blessa fort un travailleur, qu'il avoit en oeuvre. Des particuliers venus de Gant disent, que Piccolomini auroit quitté sa charge, et se seroit retiré à Bruxelles. J'en sçauray de nouvelles plus certaines, avant que fermer la presente. - Dieu benit S.A. d'une merveilleuse disposition en ceste occurrence, et d'un temps, pour la saison, tel qu'on le pourroit sou- | |
[pagina 236]
| |
haitter. - Le bruict susdit de Piccolomini se trouve sans fondement. - Cy joinct Madame le comtesse de Dona trouvera, aveq la permission de V.A., une lettre, qui luy fera considerer le peu de mal qu'a Monsieur son fils au bras qui sert à escrire. Au camp devant Hulst, le 22e Octob. 1645. |
|