4134. Aan prinses Amalia van Oranje. (H.A.)*
J'eus hier l'honneur de mander à V.A. les particularitez de nostre marche d'Oost Eeckeloo vers Mariekercke, et de là vers icy, comme aussi de l'entreveuë de S.A. aveq les deux mareschaulx audit Mariekercke. J'espere que ceste lettre aura eu bonne fortune, l'ayant faict passer la nuict aveq un convoy mediocre. Cellecy va aveq plus de seureté vers le Sass, où S.A. renvoye la plus grande moitié des chariots et bagage de l'armée, pour estre d'autant plus expedit à marcher, ce qui se fera, Dieu aydant, demain, si lesdits mareschaulx se trouvent à point nommé où les assignations ont esté données. Ce qui arrivant, nous sommes à la veille de prendre un chemin d'importance, que je ne doibs pas encor nommer icy, mais duquel V.A. sera promptement advertie aveq le succes. Ceste descharge de bagage et chariots a esté absolument necessaire, parce que voyci qu'à quatre heures seulement du matin les derniers chariots sont arrivez au quartier, tant la file en est longue, outre que les chemins commencent à devenir difficiles par le terrible temps qu'il faict, les jours courts, et les nuicts longues. Pour à present je n'ay autre
Auteursrecht onbekend