Briefwisseling. Deel 3: 1640-1644

3043. Aan prinses Amalia van Oranje. (H.A.)*

Hier au soir Mons.^r le Rhingrave¹²⁾ sortit aveq douze compagnies de cavallerie du costé de Gelder, d'où ayant apprins qu'un regiment d'infanterie estoit

12) Zie II. blz. 32.

[p. 305]

sorti vers Stralen, il s'y achemina au grand galop; mais se voyant abusé, et que ces gens avoyent prins le chemin de Venlo, il y courrut en mesme diligence, et le ritmaistre Welderen¹⁾ aveq sa compagnie tenant le devant, passa sur le ventre de la premiere trouppe qui, comme tost apres l'autre aussi, se sauva au travers du canal sans y estre poursuivie, parce qu'on avoit dessein de cercher la cavallerie que l'on croyoit avoir accompagné ceste infanterie. L'aisné comte de Waldeck²⁾ receut à ceste entrefaicte deux coups au genouïl, le prince de Lunenburg quelque legere blessure, le baron Henry de Dona³⁾ y eut son cheval tué, dont se trouvant à pied, un Espagnol luy porta un coup de pique, qui ne perça point la casaque, et pour sa peine l'Espagnol fut promptement depesché d'un coup de pistolet par le petit comte de Waldeck⁴⁾. - A la retraicte trois compagnies de cavallerie sont venu escarmoucher noz gens dans un chemin estroict, où M. le Rhingrave donnant ordre ça et là, et s'avançant dans un lieu peu ferme, son cheval culbutant, y demeura embourbé, et luy mesme prisonnier entre les mains de quelques cavalliers qui mirent pied à terre pour l'aller querir. Pourquoy des siens aussi ne firent mesme devoir à le sauver d'entre les enemis, je ne le sçauroy dire, ne faisant ce recit que selon les premiers rapports tumultuaires qui vienent d'arriver justement sur le depart de ce porteur aveq ses truictes, que S.A. faict haster. Aldeneel, capitaine de cavallerie de l'enemi, est demeuré prisonnier, aveq 60 ou 80 autres et un drapeau, et bien autant de morts que de prisonniers. Le cornette Hautain est prisonnier aussi; c'est toute le perte que nous y avons faicte aveq la mort de deux ou trois cavalliers. Cy apres j'en feray un narré plus exacte. V.A. excusera, s'il luy plaist, ceste grande haste, et pourra asseurer Madame la Rhingrave⁵⁾ que son mary⁶⁾ n'a autre mal que la prison, de laquelle on envoye le rachepter demain. M. de Beringhen m'a prevenu dans la charité de luy en rendre les tesmoignages cy joints, par les mains de Madamoiselle de Portugal⁷⁾, qui sont tres veritables. Au camp à Bodberg pres Orsoy, le prem.^r de Juïllet 1642.

1) Zie II, blz. 478.

2) Philips Theodoor, graaf van Culemborg?

3) Waarschijnlijk de jonge Dohna, die spoedig daarna in Engeland is gesneuveld.

4) Misschien George Frederik; zie blz. 282.

5) Nl. Margaretha, barones de Tournebeuf.

6) Er staat: marry

7) Waarschijnlijk Eleonore Maurice, prinses van Portugal; zie I, blz. 364.