Briefwisseling. Deel 2: 1634-1639

1513. A. van Hilten³⁾. (H.A.)

Pour replicque sur ce qu'il vous a pleu m'escrire en faveur de Madamoiselle van Dorp⁴⁾, j'avouë la comparaison que faictes de sa prebende, vrayement obtenue à tant de façon, et croy que les excuses du payement sont plustost pretextes que essentielles, dont beaucoup d'aultres paçiens se plaignent aussi et avecq peu de prouffit, puisque l'on doibt croire plustost un manquement de bonne volonté ou d'engagement ailleurs, que non pas - pour ce regard - deffault de la boursse debetrice. Je debvrois croire que voz lettres d'intercession pourroyent etre utiles à ladite damoiselle, ne fust que par experience le debiteur se trouve deguiser ses intentions par des bonnes responces à des telz qu'il veut aulcunement respecter, ce que je vous explique en confidence, et que je ne sçay comme de tel bois faire flesche. Au reste je vouldrois me trouver capable pour satisfaire à ce que vous et ladite damoiselle m'en pourroient charger ..... A Utrecht, le 21/31^e Decemb. 1636.

3) No.1513 a. Een brief van 27 Jan. o. st. (H.A.) handelt over het bezorgen van brieven.

4) Zie No. 937.