Briefwisseling. Deel 1: 1608-1634

[p. 441]

866. Aan C. Barlaeus¹⁾. (L.B.)*aant.

Cum vacare tantum tibi potuit, ut peragrato infero superoque mari, et quo inter auritos veteres fuit, qui se audivisse iuravit stridentem gurgite solem, nihili mortalium censum ageres, mirari satis non possum, quâ me clementiâ omiseris, nisi quod tam nihili a te habeor, ut omnino dignus non sim, vel sim verius de quo loquaris nihil. Quod quomodo impugnem? Qui toties aliquid dicenti locutus nihil, tandem toties nihil dicenti aliquid hoc respondeo scilicet, sed in totum nihil. Enimvero, mi amice, si tot illustrium munerum tuorum rationem putas, habes me singulorum nomine devinctissimum debitorem; sed ijs ut quotidie me ditasti, sic meditantem olim aliquid, quo referre possem gratias, adeo tarde obruisti, ut ecce nunc mutum oratorem egeris in illustres cuiusdam loci communis latebras, quem vocant Nihil; unde cum nihil fieri dixit tuorum aliquis, non dixit nihil; nam et hinc nihil nascitur, nisi furor brevis. Sic in re poetica epigrammata mea appello, quae tam sunt nihil, ut nihil amplius. Attende et judica, cum facies nihil. Sed, si extra jocum finiri licet, nisi quod

Vix possint nostros multae, Barlaee, liturae
Emendarc jocos, una litura potest,

agito hic censum etiam, et delectum habeto non pro amico, nam tunc vel certius te probasse reliqua gaudebo, si liturasse aliqua cognovero²⁾, ut et ego sciolum ab aula agam et, quod in Academia affectatur, verbis utar vetuli scriptoris, fortasse vix mihi nomine tenus noti. Vale. Hagae Com., XX Ian. CIƆIƆCXXXIV, inter aulae forique negotiorum nihil.

De vicarijs provisum est sedulo, ut si quis eorum properet e vivis excedere, sic ut hodie libri eduntur in gratiam amicorum, Hiltenius³⁾ indicare curet; nam tu quidem sane tot gryphis illis

Visus es Hugenium sic compellare, niHILTE
Tangere Barlaei commoda, homo nihili?

Infelicissimo parenti Vossio salutem dici cupio, et vivere me ipsius memorem, et Dionysij⁴⁾, quod brevi faxo intelligat; modo tu per transennam indices, aurificione an re monetariâ magis delectetur, cusine an fusi argenti pustulis⁵⁾.

Est literis qui cessantem compungit amicum,

Est qui constanter piscibus aequa facit.

Quaeritur, utra utri concedat gratia, si, dum

Hic tacet, hic loquitur, dicit uterque Nihil.

1) De minuut is in K.A. Uitgegeven door Van Vloten, Hooft's Brieven, IV, blz. 389.

2) Sidonius, Epist., IX, 3.

3) Nl. A. van Hilten; zie N^o. 440.

4) De veel belovende Dionysius Vossius was 25 Oct. 1633 op 21-jarigen leeftijd gestorven, na aan de wetenschap reeds belangrijke diensten te hebben bewezen.

5) Er was eerst sprake van geweest, dat de Prins, aan wien de jonge Vossius een paar boeken had opgedragen, zijn vader eene zilveren schaal zou aanbieden (vgl. Gedichten, II, blz. 279).