Briefwisseling. Deel 1: 1608-1634

332. C. Barlaeus⁶⁾. (L.B.)aant.

Jam dudum ad te, etiam in castris haerentem, scripturiebam, Hugeni clarissime, verum cum didicissem nihil Musis cum Marte commune esse, et humaniores litteras classicorum strepitus aversari, officium styli in hoc tempus distuli. Gaudeo equidem te e Morboniae regno sospitem et incolumem ad tuos reversum, et vagos castrorum situs stabili magisque salubri loco commutasse. Habes et domi, ubi castra metari possis, sed extra teli jactum, in Polybij aut Vegetij campis. Vallos, propugnacula, aliaque exercitus munimenta formabunt tibi apud Annalium scriptorem Germanicus et Drusus. Illa lustrare et oculis usurpare licebit, etiam post indictum castris silentium et sacra vigiliarum tempora. Minus te in ista arena afficiet Varus cadens, caesae legiones, aquilae raptae, quam turbatae nuper Batavorum phalanges, captus Vismariensis⁷⁾, et manu, voce, vulneribus pugnam sustentans Dominus de Potles⁸⁾. Si vinctum Rhenum, si pontes mobiles visere amas, dabunt tibi in Menapijs et Trevirorum finibus sublicios Caesaris Commentarij. At Principis tentoria oberrare muneris tui. Fsto. Habet et illa apud Curtium Pellaeus juvenis. Denique si classium placet conspectus, quantas tibi depinget epitomator Trogi, quantas Patavinus in Lilybaeo portu. Faciem hanc belli, cum voles, domi etiam vides et stupes, ipse securus, quid Tyridatem terreat unice, et quid Dux Ligurum meditetur orae. Ego castra nec amo, nec sequor, nisi forte illa, in quibus imbellis cum matre puer, remotis arbitris, citra illiusinvidiam, sacra sua peragit. Aliorum bellorum narrator esse malo, quam spectator, quam actor, nec in illa fabula Purgopolinices sum aut Davus. Si quid heldomadales chartulae nobis impertiant,

6) Uitgegeven in Barlaei Epistolae, blz. 174.

7) Huygens verbeterde: Stirumius.

8) Tegen het einde van den veldtocht overviel Graaf Hendrik van den Berg bij het stadje Calcar onze ruiterij onder bevel van Graaf Herman Otto van Styrum, commissaris-generaal, en nam dezen gevangen. In dat gevecht werd baron van Podlitz doodelijk gewond.

[p. 209]

quod boni sit commatis, avidus illud arripio, et bene cum patria agi arbitror, cum tantis historicis salutem suam, curam, bellique momenta probaverit. Sed haec per jocum. Snellij nostri mathematici summi eclipsin intellexisti¹⁾. Eius manibus hoc carmine parentavi²⁾, in quo constellationes, quas vocant, breviter perstrinxi. Praeterea

Ausonias arces, et moenia clara triumphis

Accipe³⁾, nec nostrae sordeat artis opus.

Dissimulet domini quamvis haec pagina nomen,

Debebit domino non minus illa suo.

Nomen non adscripsi, quia Italiam ipse non vidi, et ex aliorum solummodo narrationibus sapiendum mihi fuit, quorum, si quis forte fuerit, errorem et culpam praestare nolui. Vale, Hugeni praestantissime, et fratri tuo a me salutem. Me ut redames, non petam, cum candorem odisse non possis. 14 Decemb. 1626.

1) Willebrord Snellius, de beroemde mathematicus en professor te Leiden, was den 30sten Oct. op 35-jarigen leeftijd gestorven.

2) Barlaeus schreef twee gedichten op zijn dood (vgl. Poemata, I, blz. 420, 423).

3) Nl. de Nova et accurata Italiae hodiernae descriptio, door Barlaeus in 1626 te Amsterdam bij Iodocus Hondius zonder zijn naam uitgegeven.