Briefwisseling. Deel 1: 1608-1634

294. C. Barlaeus²⁾. (L.B.)aant.

Nec litterarum, nec amicitiae officijs tibi cedam, doctissime Hugeni. Tu me versibus tuis aliquoties alloqui dignatus es, et iam nuper ingeniosissimo epigrammate³⁾, quod ob ἐναντιο-Φανεῖς ἀντιΦάσεις mirifice placuit. Iam versus repono⁴⁾, sed, hen, claudicantes, quibus sola carminis ac metri structura praejudicium creet. Una cum ijs Panegyricum meum mitto, dictum Frederico Henrico Arausiorum Principi⁵⁾. Nec enim, dum animum meum a rancidis philosophorum praeceptis relaxo, quicquam magis quam poëtarum secessus ac otia placent. Nec male me de Republica mereri arbitror, cum rectores eius laudo. Scio non egere tantilli homuncionis commendatione principes summos, nec meo applausu in tam augusto famae theatro positis opus esse. Tamen volui, vel cum offensae metu, affectum meum erga Nassovios testari, et forte nimis officiosus audire, dummodo civis bonus et Φιλόπατρις habear. Nec honores prenso, nec praemia aucupor. Utraque enim supra sortem meam sunt. Nosti Petronii dictum, Bonae menti sororem esse, etc⁶⁾. Nisi forte paucis serius accidat, quos aequus amavit Juppiter⁷⁾. Ego tuam⁸⁾ ac paucorum familiaritatem⁸⁾ opes meas aestimo, et a litterarum tuarum lectione laetior abeo, quam si me liquidus Forlunae rivus inundet⁹⁾. Exemplariorum alterum tibi, alterum fratri

2) Uitgegeven in Barlaei Epistolae, blz. 146.

3) Nl. In Manes Auriacos C. Barlaei (vgl. Gedichten, II, blz. 125), den 26^sten Sept. geschreven.

4) Nl. Ad ... Constant. Hugenium, ... cum Panegyricum suum ei mitteret (vgl. Poemata, II, blz. 282).

5) De Frederici Henrici ... praefectura Panegyris (vgl. Poemata, I, blz. 192). Het gedicht kwam afzonderlijk uit.

6) Bij Petronius, c. 84, leest men: ‘Nescio quo modo bonae mentis soror est paupertas.’

7) Verg., Aen., VI, vs. 129.

8) Er staat: tua en familiaritate.

8) Er staat: tua en familiaritate.

9) Hor, Epist., I, 12, vs. 9.

[p. 194]

tuo habe. Vale, vir integerrime, et quem amicum sors tibi obtulit, constanti ratione ama. Lugd. Bat. E musaeo nostro, XVI Calend. Decemb. (= 16 Nov.) A.^o MDCXXV.