Paraenesis politica of politijcke onderwijsinghe tot dienste van alle menschen om te gebruicken maticheyt in voorspoet, en stantvasticheijt in teghenspoet

[fol. **3v]

In constantiam
Io. Baptistae Hovwarti.

HOrrida terribili tremeret cum Belgica bello,

Verteret antiquas publicus hostis open,

Curia Sanguinei jus tolleret omne Senatus,

Et raperet sanctos ignis & unda reos.

Victa malis patrias fugit Constantia terras

Et petiit magni regna superna Iovis.

Hoc Baptista videns Belgarum gloria vatum

In lachrymas sanctos solvitur ante focos,

Insequiturq́ue Deam gemitu: Dea quo fugis? inquit,

Ah fugis, & nostras spernis iniqua vices?

Ah saltem monitis Constantibvs instrue cives

Diva tuos, absens consilioq́ue juva.

Adstitit, & tanti miserans suspiria vatis.

Tradidit haec parvo dogmata sacra libro.

Ille capit numerisq́ue ligans in Belgica jussit

Carmina Romanis cultius ire modis.

Sed vates, civisq́ue pius dum civibus illa

Destinat in lucem mittere, tristis obit.

Sic varijs jactata malis & naufraga tandem

Fors ad Lamringi pertulit usq́ue manus.

Suscipit ille libens, Musaeq́ue incensus amore

Divinum in lucem spargere gestit opus.

Maxima Belgiaco debetur gloria Phoebo,

Proxima Lamringi Fama futura tua est.

Ille prior numeris coelestia pignora vinxit

Privatim, sed tu publica dona facis.

S. Siccama.