Paraenesis politica of politijcke onderwijsinghe tot dienste van alle menschen om te gebruicken maticheyt in voorspoet, en stantvasticheijt in teghenspoet

[fol. **3r]

In paraenesin politicam

Viri Nobilis, Poëtae-Philosophi eximij,
Ioann. Baptistae Hovwaert.

BEatvs ille qui procul periculis

AEvi, & procellis navigat

Tranquillus in portu: nec ambitu calet,

Nec sacra torret hunc fames

Auri, nec auram captat aemulam levis

Vulgi, superba nec colit

Potentiorum, ditiúmve limina,

Nec spe subactus nec metu:

Nec livor aegrum pectus macerat malus,

Nec blandus exedit puer:

Sed ille fortem cordis incolam gerens

Constantem & immutabilem

Animum, resistit strenuè ludibriis

Instabilis & coecae Deae.

Fortuna blando sive vultu arrideat,

Seu torva limis aspicit,

Vtramq́ue forti mente sortem perferens

Constantiae litat sacrae.

Quicumque ad istam candidatus regulam

Formare amas mores tuos,

Nocturna verset hos tibi verset manus

Diurna versus optimos,

Foetum parentis editum post funera

Hovwart poëtae Belgici;

Hovwart Thaliâ matre nati Belgicâ,

Nostratis Hovwart Orphëi;

Qui suavitate ducit ad se carminis,

Silvas, feras, & flumina.

nic. mvlerivs.