Milenus clachte(1578)–Johan Baptista Houwaert

[p. 149]
[D'epitaphie van eene Coninck verheuen]   D'epitaphie van eenen Coninck verheuen,   Die rijcker van deughden, dan van hauen = was:   Gheboren in Cypers, daer hy liet zijn leuen,   En op den berch Arcadie begrauen = was.   Dat ick heb connen doen door deught, oft goet vermaen,   En heb ic noyt met strafheyt, oft quaetheyt ghedaen.   Dat ick door vrede heb connen verweruen,   En heb ick met twist noyt willen beeruen.   Die door mijn bidden ter deught waren gheneyght,   En heb ick noyt ghestraft, noch ghedreyght.   Die ick in t'secreet cost onderwijsen voor oft naer,   En beschaemde ick noyt in d'openbaer.   Die ick met vermaninghen cost instrueren,   En de ick noyt gheesselen, noch justiceren,   Ick en heb noyt iemant openbaer ghecastijt,   Ick en had' hem ierst in t'secreet vermaent altijt.   Noyt liet ick mijn tonghe toe, dat zy heeft gheloghen;   Noch mijn ooren, dat haer flatteerders bedroghen.   Mijn hert'en liet ick noyt iemants goet vsurperen,   Maer metten zijnen moestet hem contenteren.
[p. 150]
Ick was vlijtich om te vertroosten mijn vrinden,   En ghinck te ghemoet die my niet en beminden.   Aen ouerdaet en heb'ick noyt mijn ghelt ghehanghen:   Ick en was noyt gierich om gauen t'ontfanghen.   Noyt en straefd'ick mensch die quaet bedreuen = hadde,   Ten was dat ickt hem viermael vergheuen = hadde.   Als ick iemant straefde, soo was mijn here ontheught;   Maer van des ick vergaf, had'ick groot vreught.   Ick was een mensch gheboren tot t'menschen vrame,   Daerom eten die wormen mijnen lichame.   Met die goede leefd'ic meest = in deughden = deughdelijck,   Daerom rust (met God) den gheest = in vreughden = vreughdelijck. FINIS.
[p. 151]
Die loflijcke onsterffelijcke memorie   Van desen Prince, en eerweyrdighe fame   Behaeght my beter, en t'es meerder glorie,   Dan Pompeo Ierusalem was aenghename,   Oft Semirami India bequame,   Oft dan Cyro was die Babyloonsche croone,   Oft dan Gaula was Cayo Caesari eersame,   Oft dan Scipio was Africa schoone.   Want in dese sepulture, slecht ten thoone,   Van desen Coninck meer eer = ghebleuen = es,   Dan van d'ander in Roome, die seer = verheuen = es.       Hovt middelmate, regeert in eeren = eerlijck,   O ghy Regenten, oock v Republijcke.   V wen scepter draeght als heeren = heerlijck.   W ilt hier leeren goed exempel autentijcke   A en desen Coninck, die doen regeerde zijn riicke   E endrachtich, en als een goedertieren = man;   R echt nochtans doende ieghelijcke,   T 'es een deughlijck Prince, die wel regieren = can.