|
| |
| |
| |
[Doen Marius inden strijdt hadde gheuanghen]
Doen Marius inden strijdt hadde gheuanghen
Iugurtham en Bocum, twee gheexalteerde
Princen, die hijse met ketenen behanghen,
En voor hem gaen, als hy te Room' triumpheerde.
Iugurtham hy den seluen dach justiceerde:
Maer Bocum die heeft hy vry ghelaten,
Midts datment daer niemant en punieerde,
Men las ierst die boecken, oft haer voorsaten
Eenighen dienst hadden ghedaen die staten
Van Roome: en oftmen daer in iet aenschouwen = mocht
Waer door die mensch zijn leuen behouwen = mocht.
Door dat die grootvader van Boco voorschreuen
Te Roome een schoon oratie hadde ghedaen,
Was desen Boco zijn lijf ghegheuen,
En men liet hem vry uyten prisoene gaen.
Wy sullen v vertellen wat clachtich vermaen
Hy verhaelt hadde met eloquentien.
Onder ander woorden, die wy ouerslaen,
Sprack hy dese naervolghende sententien,
Beclaghende die groote violentien,
En die onverdraghelijcke doleuren,
Die in onsalighe Coninckrijcken ghebeuren.
| |
| |
O seer ongeluckich Coninckrijcke,
Daer zy al te samen soo goddeloos = zijn,
Datmen die goede en die deugdelijcke
Menschen niet en kent, voor die boos = zijn.
O miserabel Rijck, daer = d'inlandighe
Zijn simpel, slechte, indiscrete mannen;
En daer die wijse, eerbaer, = verstandighe
Goede lantsaten werden uytghebannen.
O verlaten Coninckrijcke, daer die goede
Traech zijn, dit rijck mach oock wel beclaecht = zijn,
En daer die boose menschen van moede
In t'quaet doen, seer stout en onversaecht = zijn.
O vervloeckt Coninckrijck, dat God soo verlaett,
Datmen die vredemakers hoort claghen en kermen,
Door datmense verjaeght, verstoot, versmaett;
En daermen d'oproerders soect te beschermen.
O onsalich Rijck, daermen doodet persoonen
Die sorghe draghen voor t'ghemeyn proffijt;
En daer zy prijsen, verheffen, en croonen,
Die de landen aendoen schade, schande, en spijt.
| |
| |
O variable rijck, lant, en stede,
Daermen menschen laet woonen die hoveyrdich = zijn,
En wraeckghierighe tyranden mede,
Die in alle boosheyt volheyrdich = zijn.
O arm Coninckrijck, daer zy generalijck
Wel weten, en voor ooghen sien het quaet:
En daer niemant vanden borghers specialijck
Die deught, en ghemeynen orboor voor en staet.
O verdoolt Coninckrijck, daer zy openbaerlijck
Sulcken boosheden bedrijuen al t'samen
Datmen die in ander landen swaerlijck
Sou corrigeren, en te doene hem schamen.
Eylaes, het Coninckrijck es seer te deiren = oock,
Daer zy al benerstighen, sonder coopen,
Alle t'ghene dat zy begheiren = oock,
En vercrijghen al t'ghene dat zy beloopen.
Daer elck spreect dat hy peyst, al eest gheloghen:
Daer zy al becommen dat zy segghen saen:
Daer zy al bestaen dat zy vermoghen,
En volbringhen al dat zy doruen bestaen.
| |
| |
Maer bouen al es t'Rijck te beclaghen,
Daer gheen menschen soo oprecht en worden beuonden,
Die voor t'ghemeyn proffijt sorghe draghen,
Noch en wederstaen die t'lant verslonden.
Daerom en sal niemant woonachtich = zijn
In dusdanighe Coninckrijcken, noch landen:
Want die rijcken saen vergaen die tweedrachtich = zijn,
Oft worden ouervallen van die tyranden.
FINIS.
|
|
Auteursrechtvrij