Milenus clachte

[p. 128]

[Een Prince die hier soeckt God te behaghen]

Een Prince die hier soeckt God te behaghen,

Gheuveest bemint te zyn, en verheuen:

En die ontslaghen wilt zyn veel plaghen,

Om opder tyrden in rusten te leuen,

Moet onderhouden dees pointen naerveschreuen.

Wilt inden iersten ghedachtich = hier wesen,
T'weldoen dat ghy van ander hebt ontfaen:
En vergheter leedt, sonder clachtich = te wesen,
Dwelck v t'onrecht van ander werdt aenghedaen.

Ten tweeden suldy hooghe estimeren
V eyghen goet, al en eest niet vele:
Maer ghy en sult niet seere priseren
Het groot goet van ander borghers, oft ele.

Ten derden suldy verkeeren en wandelen
Met goede oprechte menschen, vol trouwen:
En ghy moet v vermijen te handelen
Met ondeughdelijcke mans en vrouwen.

[p. 129]

 

Ten vierden suldy v houwen statelijck,

 

Als ghy verkeert by de groote heeren:

 

En draghen v ghespraecksaem en charitatelijck

 

Teghen die cleyne die met v verkeeren.

 

 

 

Ten vijfsten suldy al v ghepeysen

 

Te vrede stellen met goede wercken:

 

En van die verre zijn van v palleysen

 

Suldy deught spreken in alle percken.

 

 

 

Ten sesten soo suldy luttel achten

 

T'verlies van t'groot goet in t'swerelts pleyne

 

Maer estimeren hooghe, en v wel wachten

 

Voor t'verlies van v eere, al eest cleyne.

 

 

 

Ten seuensten, om aen een dinck te gheraken,

 

En suldy niet veel dinghen auonturen:

 

Noch diesghelijcx, om veel onseker saken,

 

En suldy een seker dinck niet eens ruren.

 

 

 

Ten achsten bid' ick v als ghetrauwe vrint,

 

En vermaen v dat uyt liefden constant,

 

Zijt sorghfuldich dat ghy inden noot vrinden vint:

 

En leeft soo, dat niemant en zy v vijant.

 

 

[p. 130]

 

In uwen mont en mach gheen waerheyt ghebreken.

 

Gheeft met open handen door beneuolentie.

 

Stopt v ooren voor die v loghenen spreken,

 

En opent v herte totter clementie.

 

 

 

Gheeft in t'ghelijcke rechte sententie,

 

Ghy sult die herten van v lantsaten winnen.

 

Door Princen ionste wast d'obedientie.

 

T'es goet dat t'volck, en Princen, d'een d'ander minnen.

 

 

 

Die goet wilt wesen onder die goede,

 

Behoort dese gheboden t'obedieren:

 

Zy zijn licht te schrijuen voor die vroede,

 

Maer van veel menschen swaer om t'obserueren.

FINIS.