Milenus clachte

[p. 107]

[Plutarchus heeft desen brief gesonden]

Plutarchus heeft desen brief ghesonden

In voorleden stonden = aen Traianum eerbaer;

Daer hy sulcken stichtinghe in heeft gheuonden,

Dat hy hem naer d'inhoudt reguleerde voorwaer.

Godt gheue dat alle Princen dijen daer

Noch sullen sien, uytscrijuen, oft lesen,

Oock naervolghen moeten: op dat zy naer

Hun doot, hier oock moghen zijn ghepresen.

Alle Regenten behooren deughdlijck te wesen.

Ick weet wel dat v gheschiktheyt en vroedicheyt,
Met v ootmoedicheyt, = hebben t'belet ghedaen,
Dat ghy niet begheert en hebt met voorspoedicheyt
Het Keyserijcke van Roome te ontfaen.
Hoe wel dat ghy (soo ick wel heb verstaen)
Om dat te verdienen vlietich en expeerdich = zijt.
Maer hoe ghy daer min af maect vermaen,
(Als ghy deughdlijck en rechtveerdich = zijt)
Hoe ghy den seluen staet meer weerdich = zijt.

Inder vueghen, dat ick v deught en sinnen = vroet
Met fortuna goet = dat wille adtribueren:
Maer veel moet sal my verheughen den moet,
Als ickt v wel sal sien administreren.
Want dat ghyt qualijck begonst te regeren,
Ick en twijfel niet ghy sout vallen in dangier;
En ghy soudt het volck doen murmureren,
Dat zy segghen souden met moede fier,
Alsulck eenen meester, alsulcken scholier.

[p. 108]

 

Wilt v voor een sake dan bysonder wachten,

 

Dat ghy met crachten = niet en regeert het lant:

 

Want die Romeynen met hun gheslachten

 

En souwen niet willen subject zijn een tyrant,

 

En die lantsaten zijn soo inconstant,

 

Dat zy altijt des discipels ghebreken

 

Die meesters oplegghen, sonder reden: want

 

Aen Senecam en Quintillianum is ghebleken.

 

Niemant en can t'volck verbien het spreken.

 

 

 

Ick vermaen v, en laet v uyt ionste weten,

 

Als ghy zijt gheseten = in t'rijck, dat ghy in v ieught

 

Nimmermeer v seluen en wilt vergheten;

 

Op dat ghy v leuen ierst reformeren meught,

 

En dan al v daden stieren totter deught.

 

Die regulen, om v seluen en die landouwen

 

Te reformeren, en te regeren met vreught,

 

Die meught ghy in mijn boecken aenschouwen,

 

Wilt ghy die anders wel onderhouwen.

 

 

 

Plutarchus sal auteur zijn van v leuen,

 

Wilt ghy v begheuen=tot deught, als goet Potentaet.

 

Doet ghy anders, desen brief by my gheschreuen,

 

Is mijn ghetuyghe dat ghyt doen teghen mijnen raet.

 

Ick en hou hem voor gheen Keyser, maer voor een quaet

 

Mensch, die in prejuditie van t'Roomsch rijcke,

 

Iet is attenterende metter daer,

 

Oft tot achterdeel vande Republijcke.

 

God wil v bewaren, en ons al ghelijcke.

FINIS.